Almatyda turǵylyqty jeri jáne ýaqytsha bolatyn jeri boiynsha tirkeýdiń jańa normativi bekitildi. Endi bir adamdy tirkeý úshin turǵyn úidiń jalpy alańy keminde 15 sharshy metr bolýy qajet. Bul jobany máslihat sessiiasynda Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov tanystyrdy. Depýtattar jobany qoldady, dep habarlaidy dalanews.kz.
Jańa talap bir mekenjaiǵa shamadan tys kóp adamdy tirkeý deregin azaityp, qaladaǵy halyq sany týraly derektiń naqtylyǵyn arttyrýǵa baǵyttalǵan.
15 sharshy metr ár adamǵa jeke-jeke osyndai kólemdegi turǵyn úi berilýge tiis degen sóz emes. Bul - tek tirkeý kezinde qoldanylatyn eseptik normativ. Normativtiń turǵyn úi iesiniń otbasy músheleri men jaqyn týystaryna qatysy joq. Iaǵni belgilengen shekten asqan jaǵdaida da jubaiyn, balalaryn jáne olardyń otbasy múshelerin, jaqyn týystaryn, sondai-aq, asyraýyndaǵy, qamqorshylyqtaǵy nemese qorǵanshylyqtaǵy adamdardy tirkeýge bolady.
"Jańa normativ tirkeý esebin retke keltirip, ár aýdanda naqty qansha adam turatynyn dálirek anyqtaýǵa múmkindik beredi. Bul mektepter, emhanalar, kommýnaldyq qyzmetter jáne basqa da qalalyq infraqurylymǵa túsetin júktemeni josparlaý úshin mańyzdy", - dedi Baýyrjan Jaýbasov.
