Almatynyń Alataý aýdanyndaǵy turǵyn úi kesheniniń turǵyndary birneshe kúnnen beri sý máselesi sheshilmei otyrǵanyna narazylyq bildirip, Sain kóshesinde joldy japty. Turǵyndardyń aitýynsha, kommýnaldyq qyzmetterdegi aqaýlar birneshe aidan beri jalǵasyp keledi, dep habarlaidy dalanews.kz.
«Sofiia» turǵyn úi kesheniniń turǵyndary tek ystyq sýdyń emes, elektr jaryǵy, jylý jáne sýyq sý júielerinde de turaqty máseleler týyndaitynyn aitady. Olardyń sózinshe, kommýnaldyq tólemderdi ýaqytyly tólegenimen, qyzmetterdiń úzilip qalýy jiilegen. Bul turǵyn úi kesheniniń qurylysshysy - Time Group Construction kompaniiasy.
Jergilikti turǵyndardyń aitýynsha, máseleniń bir sebebi OSI-diń elektr energiiasy boiynsha bereshegi men kórsetilgen qyzmetter úshin tólemderdiń ýaqytyly júrgizilmeýine bailanysty bolýy múmkin. Sonyń saldarynan qazandyqtyń elektr qýatynan ajyratylý qaýpi týyndaǵan.
Jaǵdaiǵa alańdaǵan turǵyndar máseleni sheshýdi talap etip, kólik qozǵalysyna kedergi keltirdi. Oqiǵa ornyna politsiia qyzmetkerleri de kelgen.
Turǵyndar kommýnaldyq infraqurylymnyń jaǵdaiyn tekserip, injenerlik jelilerge túsetin júktemeni azaitý jáne sý men jylý júielerindegi turaqty úzilisterdi toqtatý máselesin sheshýdi talap etti.
