Áleýmettik jelide Qazaqstanǵa kelip, ózin «Reseidegi ózbek siiaqty» sezinetinin aitqan Resei azamatshasy 10 táýlikke ákimshilik qamaýǵa alyndy, dep habarlaidy dalanews.kz.
Oqiǵa Almatyda bolǵan. Áiel bank kartasyn rásimdeý úshin qalaǵa kelgenin, alaida qajetti qujattardy tez ala almaǵanyn aityp, áleýmettik jelide emotsiiaǵa berilip, beiádep sózder qoldanǵan.
Keiin Almaty qalalyq politsiia departamenti atalǵan jaǵdaiǵa qatysty tekserý júrgizilgenin málimdedi.
Politsiianyń habarlaýynsha, Almaly aýdandyq politsiia basqarmasy shetel azamatshasynyń qoǵamdyq orynda bylapyt sózder aityp, qoǵamdyq tártipti buzǵanyn anyqtaǵan.
«Mundai áreketter quqyq buzýshylyq retinde tirkeledi jáne quqyq buzýshynyń mártebesine qaramastan zań aiasynda baǵalanady», – delingen politsiia habarlamasynda.
Atalǵan faki boiynsha usaq buzaqylyq babymen ákimshilik is qozǵalyp, materialdar sotqa joldanǵan.
Almaty qalasynyń mamandandyrylǵan aýdanaralyq ákimshilik sotynyń sheshimimen áiel 10 táýlikke ákimshilik qamaýǵa alyndy.
