Almatyda Naýryzbai batyr kóshesinde qozǵalys syzbasy ózgerip, oqshaýlanǵan velojolaq salynady, dep habarlaidy dalanews.kz.
1 tamyzdan bastap Naýryzbai batyr kóshesi Raiymbek dańǵylynan Abai dańǵyly aralyǵyndaǵy kólik qozǵalysyna jańa syzba engiziledi. Joba aiasynda kóshede oqshaýlanǵan velosiped jolaǵy salynady.
Júrgiziletin jumystar aiasynda qoǵamdyq kólikke arnalǵan arnaiy jolaq alyp tastalady. Avtobýs baǵyttary Jeltoqsan kóshesine aýystyrylyp, Naýryzbai batyr kóshesinde velojolaq uiymdastyrylady.
Jańa sheshim velosipedshilerdiń qaýipsizdigin arttyrýǵa, qaladaǵy velosiped jelisin damytýǵa jáne kólik legin tiimdi uiymdastyrýǵa múmkindik bermek.
