Almatynyń Naýryzbai aýdanynda Daýletkerei kóshesiniń bir bóligi eki táýlikke jartylai jabylady, dep habarlaidy dalanews.kz.
Ákimdik málimetinshe, 30 mamyr kúni saǵat 06:00-den 1 maýsym saǵat 06:00-ge deiin Daýletkerei kóshesinde Jandosov kóshesinen Ábdildin kóshesine deiin kólik qozǵalysyna ishinara shekteý qoiylady.
Shekteý joldyń joǵarǵy asfalt-beton qabatyn tóseý jumystaryna bailanysty engizilip otyr.
Atalǵan jumystar Almaty qalasynyń Energetika jáne sýmen jabdyqtaý basqarmasynyń tapsyrysy boiynsha salynyp jatqan Batys káriz kollektory jobasy aiasynda júrgizilýde.
Joba boiynsha Jandosov kóshesinen qalalyq tazartý qurylystaryna deiin jalpy uzyndyǵy 35 shaqyrym bolatyn káriz kollektory salynady.
Mamandardyń aitýynsha, joba iske asqannan keiin shamamen 200 myń turǵyn ortalyqtandyrylǵan sý burý júiesimen qamtylyp, injenerlik jelilerdiń senimdiligi artady ári sanitarlyq-epidemiologiialyq jaǵdai jaqsarady.
Qala turǵyndary men qonaqtaryna qozǵalys baǵytyn aldyn ala josparlaý usynyldy.
