الماتىنىڭ ناۋرىزباي اۋدانىندا داۋلەتكەرەي كٶشەسٸنٸڭ بٸر بٶلٸگٸ ەكٸ تەۋلٸككە جارتىلاي جابىلادى, دەپ حابارلايدى dalanews.kz.
ەكٸمدٸك مەلٸمەتٸنشە, 30 مامىر كٷنٸ ساعات 06:00-دەن 1 ماۋسىم ساعات 06:00-گە دەيٸن داۋلەتكەرەي كٶشەسٸندە جاندوسوۆ كٶشەسٸنەن ەبدٸلدين كٶشەسٸنە دەيٸن كٶلٸك قوزعالىسىنا ٸشٸنارا شەكتەۋ قويىلادى.
شەكتەۋ جولدىڭ جوعارعى اسفالت-بەتون قاباتىن تٶسەۋ جۇمىستارىنا بايلانىستى ەنگٸزٸلٸپ وتىر.
اتالعان جۇمىستار الماتى قالاسىنىڭ ەنەرگەتيكا جەنە سۋمەن جابدىقتاۋ باسقارماسىنىڭ تاپسىرىسى بويىنشا سالىنىپ جاتقان باتىس كەرٸز كوللەكتورى جوباسى اياسىندا جٷرگٸزٸلۋدە.
جوبا بويىنشا جاندوسوۆ كٶشەسٸنەن قالالىق تازارتۋ قۇرىلىستارىنا دەيٸن جالپى ۇزىندىعى 35 شاقىرىم بولاتىن كەرٸز كوللەكتورى سالىنادى.
مامانداردىڭ ايتۋىنشا, جوبا ٸسكە اسقاننان كەيٸن شامامەن 200 مىڭ تۇرعىن ورتالىقتاندىرىلعان سۋ بۇرۋ جٷيەسٸمەن قامتىلىپ, ينجەنەرلٸك جەلٸلەردٸڭ سەنٸمدٸلٸگٸ ارتادى ەرٸ سانيتارلىق-ەپيدەميولوگييالىق جاعداي جاقسارادى.
قالا تۇرعىندارى مەن قوناقتارىنا قوزعالىس باعىتىن الدىن الا جوسپارلاۋ ۇسىنىلدى.
