Qonaevta shomylý maýsymy qorytyndylanyp, jazǵy demalystyń sońǵy kúnderi JAGALAU FEST merekelik keshimen atap ótildi. №5 qalalyq jaǵajaida ótken sharada turǵyndar men qala qonaqtarynyń qaýipsiz ári jaily demalýyna úles qosqan mamandar marapattaldy, dep habarlaidy dalanews.kz.
Alǵys hat ielengenderdiń qatarynda qutqarýshylar, politsiia qyzmetkerleri, meditsina mamandary, sanitariialyq-epidemiologiialyq baqylaý jáne basqa da sala ókilderi bar. Olar jaz boiy jaǵajailarda qaýipsizdikti qamtamasyz etip, shomylý maýsymynyń talapqa sai ótýine atsalysty.
Sonymen qatar maýsym qorytyndysy boiynsha jaǵajailar men demalys oryndarynyń úzdikteri anyqtaldy. №5 qalalyq jaǵajai «Úlgili jaǵajai», №4 qalalyq jaǵajai «Jaily qalalyq jaǵajai» nominatsiialaryna ie boldy. Heaven Club «Sporttyq týrizm kóshbasshysy» atansa, Del Mare demalys aimaǵy «Halyq tańdaýy» nominatsiiasymen marapattaldy.
Kontsertte Qonaev qalasy ákimi apparatynyń basshysy Rahman Shaharbek shomylý maýsymynda eńbek etken mamandarǵa alǵys bildirdi.
«Jaz – Qonaev úshin erekshe mezgil. Qalalyq jaǵajailar turǵyndar men qonaqtardyń súiikti demalys ornyna ainaldy. Búgin biz jazdy jaqsy kóńil-kúimen shyǵaryp salyp otyrmyz. Biraq eń bastysy – shomylý maýsymynyń qaýipsiz ótýi. Osyǵan bailanysty maýsymda halyqqa qaltqysyz qyzmet etken mamandarǵa alǵys aitamyn», – dedi ol.
Marapattaý rásiminen keiin kesh kontserttik baǵdarlamaǵa ulasyp, jaǵajai aýmaǵy mýzyka men merekelik kóńil-kúige bólendi. Jandy mýzyka, jergilikti ónerpazdardyń óneri jáne DJ-set, ZAKARIYA BAND kórermenderge jazdyń sońǵy kúnderin este qalarlyqtai ótkizýge múmkindik berdi.
