قوناەۆتا شومىلۋ ماۋسىمى قورىتىندىلانىپ, جازعى دەمالىستىڭ سوڭعى كٷندەرٸ JAGALAU FEST مەرەكەلٸك كەشٸمەن اتاپ ٶتٸلدٸ. №5 قالالىق جاعاجايدا ٶتكەن شارادا تۇرعىندار مەن قالا قوناقتارىنىڭ قاۋٸپسٸز ەرٸ جايلى دەمالۋىنا ٷلەس قوسقان ماماندار ماراپاتتالدى, دەپ حابارلايدى dalanews.kz.
العىس حات يەلەنگەندەردٸڭ قاتارىندا قۇتقارۋشىلار, پوليتسييا قىزمەتكەرلەرٸ, مەديتسينا ماماندارى, سانيتارييالىق-ەپيدەميولوگييالىق باقىلاۋ جەنە باسقا دا سالا ٶكٸلدەرٸ بار. ولار جاز بويى جاعاجايلاردا قاۋٸپسٸزدٸكتٸ قامتاماسىز ەتٸپ, شومىلۋ ماۋسىمىنىڭ تالاپقا ساي ٶتۋٸنە اتسالىستى.
سونىمەن قاتار ماۋسىم قورىتىندىسى بويىنشا جاعاجايلار مەن دەمالىس ورىندارىنىڭ ٷزدٸكتەرٸ انىقتالدى. №5 قالالىق جاعاجاي «ٷلگٸلٸ جاعاجاي», №4 قالالىق جاعاجاي «جايلى قالالىق جاعاجاي» نوميناتسييالارىنا يە بولدى. Heaven Club «سپورتتىق تۋريزم كٶشباسشىسى» اتانسا, Del Mare دەمالىس ايماعى «حالىق تاڭداۋى» نوميناتسيياسىمەن ماراپاتتالدى.
كونتسەرتتە قوناەۆ قالاسى ەكٸمٸ اپپاراتىنىڭ باسشىسى راحمان شاحاربەك شومىلۋ ماۋسىمىندا ەڭبەك ەتكەن ماماندارعا العىس بٸلدٸردٸ.
«جاز – قوناەۆ ٷشٸن ەرەكشە مەزگٸل. قالالىق جاعاجايلار تۇرعىندار مەن قوناقتاردىڭ سٷيٸكتٸ دەمالىس ورنىنا اينالدى. بٷگٸن بٸز جازدى جاقسى كٶڭٸل-كٷيمەن شىعارىپ سالىپ وتىرمىز. بٸراق ەڭ باستىسى – شومىلۋ ماۋسىمىنىڭ قاۋٸپسٸز ٶتۋٸ. وسىعان بايلانىستى ماۋسىمدا حالىققا قالتقىسىز قىزمەت ەتكەن ماماندارعا العىس ايتامىن», – دەدٸ ول.
ماراپاتتاۋ رەسٸمٸنەن كەيٸن كەش كونتسەرتتٸك باعدارلاماعا ۇلاسىپ, جاعاجاي اۋماعى مۋزىكا مەن مەرەكەلٸك كٶڭٸل-كٷيگە بٶلەندٸ. جاندى مۋزىكا, جەرگٸلٸكتٸ ٶنەرپازداردىڭ ٶنەرٸ جەنە DJ-سەت, ZAKARIYA BAND كٶرەرمەندەرگە جازدىڭ سوڭعى كٷندەرٸن ەستە قالارلىقتاي ٶتكٸزۋگە مٷمكٸندٸك بەردٸ.
