Politsiia qyzmetkerleri jaiaý júrginshini qaǵyp, jol-kólik oqiǵasy bolǵan jerden izin jasyrǵan moped júrgizýshisin anyqtady, dep habarlaidy dalanews.kz.
Oqiǵa saldarynan jaiaý júrginshi men moped jolaýshysy túrli dene jaraqattaryn alyp, olarǵa meditsinalyq kómek kórsetildi. Jedel-izdestirý is-sharalarynyń nátijesinde júrgizýshiniń jeke basy anyqtaldy.
Mopedti kámeletke tolmaǵan jasóspirim basqarǵan. Ol Jol qozǵalysy qaǵidalaryn buzǵany jáne jol-kólik oqiǵasy bolǵan jerden ketip qalǵany úshin jaýapkershilikke tartyldy. Sonymen qatar, kámeletke tolmaǵannyń zańdy ókili balany tárbieleý jónindegi mindetterin tiisinshe oryndamaǵany úshin jaýapkershilikke tartyldy.
Almaty oblysynyń Politsiia departamenti motokólik quraldaryn basqarý kezinde zań talaptaryn qatań saqtaýdy eskertedi. Ata-analar kámeletke tolmaǵandarǵa tiisti júrgizý quqyǵynsyz kólik quralyn basqarýǵa jol bermeýi jáne olardyń joldaǵy qaýipsiz minez-qulqyn turaqty baqylaýda ustaýy qajet.
Jaýapsyzdyqtyń saldary balalardyń ózderi úshin de, jol qozǵalysynyń ózge qatysýshylary úshin de aýyr zardaptarǵa ákelýi múmkin.
