Almaty metrosynda jyl basynan beri 300-den asa tyiym salynǵan zat tárkilendi. Bul týraly IIM málimdedi, dep habarlaidy dalanews.kz.
Kún saiyn metro qyzmetin 110 myńnan 130 myńǵa deiin jolaýshy paidalanady. Osyǵan bailanysty metro aýmaǵynda qoǵamdyq tártip pen jolaýshylar qaýipsizdigin qamtamasyz etýge erekshe kóńil bólinedi.
Jyl basynan beri politsiia qyzmetkerleri júrgizgen tekseris barysynda metro aýmaǵyna tyiym salynǵan zattardy alyp ótpek bolǵan 310 adam anyqtalǵan.
"Zańsyz ainalymnan 29 pyshaq, kastetke uqsas 62 zat jáne tórt oq-dári tárkilendi. Jolaýshylardyń qaýipsizdigin qamtamasyz etý maqsatynda metro stantsiialarynda zamanaýi beinebaqylaý júiesi jumys isteidi. Qazir nysandarda 604 beinekamera ornatylǵan. Olardyń bir bóligi naqty ýaqyt rejiminde adamdy taný fýnktsiiasymen jabdyqtalǵan", – dedi metropolitendegi politsiia basqarmasynyń bastyǵy Oral Ahimov.
