Almatynyń Túrksib aýdanyna ákim taǵaiyndaldy, dep habarlaidy Dalanews.kz.
Almaty qalasy máslihatynyń sessiiasynda kadrlyq másele qaraldy. Prezident ákimshiliginiń kelisimimen Almaty ákimi Túrksib aýdanynyń ákimi qyzmetine Damir Ákejanovtyń kandidatýrasyn usyndy.
Kandidatty tanystyrǵan Darhan Satybaldy onyń kásibi tájiribesine jáne qalanyń tynys-tirshiligin jaqsy biletinine toqtaldy.
"Damir Ákejanovtyń memlekettik basqarý júiesinde tájiribesi mol, qalanyń ózekti túitkilderin jaqsy biledi jáne men júktegen mindetti oryndaýǵa qajet kásibi daiarlyǵy bar", – dedi qala basshysy.Talqylaý qorytyndysy boiynsha máslihat depýtattary bul kandidatýrany qoldady.
Jańa qyzmetke taǵaiyndalǵanǵa deiin Damir Ákejanov Almaty qalasy ákimi apparaty basshysynyń orynbasary laýazymyn atqarǵan. Memlekettik qyzmettegi jalpy eńbek ótili 16 jyldan asady.
