Almatydaǵy Nurmaǵambetov kóshesi, 374/1 mekenjaidaǵy tórt qabatty ǵimarat zańsyz dep tanyldy. Bir kún buryn nysan sot oryndaýshylarynyń qatysýymen buzyla bastady. Bul týraly Almatynyń qala qurylysyn baqylaý basqarmasy málimdedi,- dep habarlaidy Dalanews.kz
Nysan zańsyz salynǵan. 2022 jyly qurylystyń tiisti qujaty bolmaǵandyqtan basqarma óz betinshe salynǵan ǵimaratty buzýǵa talap-aryz bergen edi. Keiin sot protsesi júrdi.
2022 jyly 29 qarashada Almaty qalalyq soty basqarmanyń talap-aryzyn qanaǵattandyrdy jáne Almatynyń Ádilet departamenti atqarýshylyq is qozǵaǵan bolatyn.
Qala turǵyndaryna ǵimarattyń zańsyz salynǵanyn eskertý úshin nysan jyljymaityn múlikti satyp alýǵa usynylmaityn tizimge engizildi.
Esterińizge sala keteiik, buǵan deiin tizimge engen birqatar zańsyz salynǵan iri nysan tolyq nemese jartylai buzylǵan bolatyn, olardyń arasynda «Arman» jáne «KHAN», «Orda City» turǵyn úi keshenderi jáne t.b. bar.
Almatynyń qala qurylysyn baqylaý basqarmasy jyljymaityn múlikti satyp almas buryn onyń qujattarynyń bar-joǵyn bilý úshin +7 705 89 66 000 WhatsApp anyqtamalyq telefon nómirine júginýge keńes beredi.
