Almaty qalasy Alataý aýdanynyń Saialy shaǵyn aýdanynda kelesi jyly Innovatsiialyq shyǵarmashylyq ortalyqtyń qurylysyn aiaqtaý josparlanýda. Bul týraly qala ákimi Erbolat Dosaev aýdan turǵyndarymen kezdesý barysynda málimdedi,– dep habarlaidy Dalanews.kz
«Ózderińiz biletindei, 2023 jyldan bastap Nurkent shaǵyn aýdanynda balalardy qosymsha bilimmen qamtýdy arttyrý úshin Innovatsiialyq shyǵarmashylyq ortalyq tabysty jumys isteidi. Búgingi tańda ortalyqqa 2 300 bala keledi. Bul tájiribeni Saialy shaǵyn aýdanynda jalǵastyrýǵa niettimiz, onda 2026 jyldyń qyrkúieginde Innovatsiialyq shyǵarmashylyq ortalyqtyń qurylysy aiaqtalady dep kútemiz», - dedi Erbolat Dosaev.
Sondai-aq, onyń aitýynsha, aýdannyń Alǵabas shaǵyn aýdanynda 720 oryndyq jańa Innovatsiialyq tehnikalyq kolledjdiń qurylysy jalǵasýda. Qurylystyń aiaqtalý merzimi-2026 jylǵy qańtar.
Esterińizge sala keteiik, aǵymdaǵy jyldyń mamyr aiynda Túrksib aýdanynyń Jas Qanat shaǵyn aýdanynda Damý jáne shyǵarmashylyq ortalyǵynyń qurylysyn bastaý josparlanǵan edi.
Biylǵy jyly Bostandyq aýdanynda apta saiyn 2 myń bala oqi alatyn zamanaýi Oqýshylar úii ashyldy, al Almaly aýdanyndaǵy eskirgen Oqýshylar úiiniń ornynda «Shabyt» zamanaýi balalardy damytý ortalyǵy ashyldy.
