Almatyda zańsyz ornatylǵan statsionarlyq emes saýda nysandaryn (SESN) jappai joiý jumystary jalǵasyp otyr, dep habarlaidy Dalanews.kz
Búginde Naýryzbai aýdanynda 16 zańsyz SESN men 22 oiyn-saýyq apparaty (kúsh ólsheýish) súrildi. Onyń ishinde Taýsamaly jáne Shuǵyla shaǵyn aýdandaryndaǵy býrger men balmuzdaq satatyn dúńgirshekter de bar.
Jergilikti turǵyndar zańsyz saýda oryndarynyń alynýyna oń baǵa berip otyr.
«Men Áshimov kóshesindegi kópqabatty úide turamyn. Úiimizdiń janynda qysqa ýaqyt ishinde birneshe dúńgirshek qoiyldy. Saldarynan shý kóbeidi, qoqys jinalyp, tártip saqtalmaityn boldy. Keiin olardyń keibiri zańsyz ornatylǵany anyqtaldy. Aqyry, kóshelerimizde tártip ornap jatqanyna qýanyshtymyz. Qalamyz taza ári keń bolýy kerek, al kásipkerler zań aiasynda jumys isteýi tiis dep esepteimin», – dedi qala turǵyny Arai Ahmetova.
Aita keteiik, zańsyz SESN-di súrý naýqany Almaty qalasynyń ákimi Erbolat Dosaevtyń tapsyrmasymen qolǵa alynǵan. Baǵdarlama 2025 jyly 4 aqpanda bastaldy. Búginde 300-den astam SESN men 222 kúsh ólsheýish buzyldy. Qalǵan zańsyz saýda núktelerin alyp tastaý jumystary 2025 jyly 31 naýryzǵa deiin tolyq aiaqtalady.
