Qalalyq «Almatynyń jyl muǵalimi» baiqaýynyń Gran-pri iegeri, №39 mamandandyrylǵan litseidiń qazaq tili men ádebieti pániniń oqytýshysy Nurjigit Amanov Alma City jańa turǵyn úi kesheninen páterdi syilyqqa aldy. Al 1 oryndy ielengen №10 gimnaziianyń fizika pániniń muǵalimi Daryn Saiynovqa avtomobil berildi.
Ekinshi jáne úshinshi oryn alǵan №96 mekteptiń bastaýysh synyp muǵalimi Raisa Tsoi jáne №92 mamandandyrylǵan litseidiń himiia pániniń muǵalimi Sýnnatýlla Kaýmbaev aqshalai syiaqymen marapattaldy.
Sonymen qatar, 10 úzdik pedagog, onyń ishinde balabaqsha tárbieshileri qala ákiminiń granttarymen atap ótildi. Respýblikalyq «Úzdik pedagog» baiqaýy qalalyq týrynyń jeńimpazdaryna aqshalai syilyqtar berildi.
– Óz mamandyǵy boiynsha úzdikterdi anyqtaýǵa baǵyttalǵan shara daryndy muǵalimderdi qoldap, bedelin arttyryp, ozyq pedagogikalyq tájiribeni bólisý maqsatynda ótkiziledi, – dep atap ótti Baqytjan Saǵyntaev.
Mektepke jańa kelgen jas muǵalimder úshin osymen úshinshi jyl qatarynan bir rettik materialdyq kómek kórsetilýde. Aǵymdaǵy jyly ony 33 mln teńgeden astam somaǵa 566 jas maman alady.
Muǵalimderdiń turǵyn úi jaǵdaiyn jaqsartýǵa erekshe kóńil bólinedi. «Almaty jastary 3.0» qalalyq baǵdarlamasy boiynsha ótken jyly bilim berý salasynyń 307 qyzmetkeri páter aldy. Biyl 245 pedagog jeńildetilgen nesie berýdi paidalandy.
Kezdesý sońynda Almaty ákimi Baqytjan Saǵyntaev barlyq pedagogtar men tálimgerlerge igi eńbekterine tabys tiledi.
