Jetisý aýdanynda burynǵy óndiristik qýatyn joǵaltqan kásiporyndardyń ónerkásiptik qoryn kezeń-kezeńimen qaita qurý jumystary bastaldy. Almaty ákimi Darhan Satybaldynyń tapsyrmasymen jumys istep turǵan ári buryn belsendi qyzmet atqarǵan óndiristik alańdardyń bazasynda shaǵyn ónerkásip parkterin qurý jónindegi qalalyq bastama júzege asyrylyp jatyr, dep habarlaidy Dalanews.kz.
Qazirgi ýaqytta aýdanda aýmaǵyn jańǵyrtyp, shaǵyn ónerkásip parkke ainaldyrýǵa daiyn ekenin bildirgen 10-nan astam ónerkásiptik kásiporyn aiqyndaldy. Bul infraqurylymnyń tozýy nemese tehnologiianyń eskirýine bailanysty óz betinshe jańarýǵa múmkindigi joq bolǵanymen, injenerlik jelileri tartylǵan óndiristik alańdary saqtalǵan mańyzdy nysandar.
Shaǵyn ónerkásip parkteriniń formaty bir mezette birneshe shaǵyn jáne orta biznes sýbektisin ornalastyrýǵa arnalǵan zamanaýi óndiristik keńistik qurýǵa baǵyttalǵan. Mundai tásil buryn tolyq paidalanylmaǵan tsehtar men qoima ǵimarattaryn qaitadan sharýashylyq ainalymǵa engizýge múmkindik beredi.
Alǵashqy pilottyq alańdar retinde ónerkásiptik áleýeti joǵary ári ornalasýy qolaily nysandar irikteldi. Olardyń qatarynda beton jáne temirbeton buiymdaryn shyǵaratyn «Temirbeton-1», jol qozǵalysyn uiymdastyrýǵa arnalǵan ónimder óndiretin «Jol belgileri zaýyty», sondai-aq buryn Almaty et kombinaty ornalasqan aýmaqtaǵy «Nurálem Almaty» bar.
Qazirgi kezde Almaty ákimdiginiń qoldaýymen kásipkerler «Almaty Finance» AQ arqyly jeńildetilgen qarjylandyrý alý úshin qujattar toptamasyn ázirlep jatyr. Qarajat ǵimarattardy jańartýǵa, injenerlik infraqurylymdy jańǵyrtýǵa jáne jańa óndiristerdi iske qosýǵa baǵyttalady.
Jospar boiynsha shaǵyn indýstriialyq parkterdiń aýmaǵy 5 myńnan 10 myń sharshy metrge deiin jetedi. Qarjylandyrý bekitilip, ruqsat qujattary rásimdelgen soń zamanaýi, qaýipsiz ári ekologiialyq talaptarǵa sai óndiristik alańdardy qurýǵa baǵyttalǵan qurylys-montaj jumystary bastalady.
