Almaty ákimi Darhan Satybaldy jumys sapary barysynda qala turǵyndary men qonaqtaryna arnalǵan jańa qoǵamdyq keńistiktiń abattandyrylý jumystarymen tanysty,- dep habarlaidy Dalanews.kz
Jańa saiabaq Jarokov pen Si Sinhai kósheleriniń qiylysynda, «Ońtústik» saiabaǵynyń soltústiginde ornalasqan. Jalpy aýmaǵy 4,1 gektar.
Qazirgi tańda aýmaqta jaiaý júrginshilerge arnalǵan joldar tóselip, balalarǵa oinaýǵa yńǵaily alańqailar ornatylyp, jaryqtandyrý júiesi men shaǵyn sáýlettik elementter qoiylyp jatyr. Kógaldandyrýǵa erekshe kóńil bólinip, 120-dan astam iri aǵash, atap aitqanda jóke, talshyn jáne qaraǵai otyrǵyzý kózdelgen. Jańa saiabaq almatylyqtardyń tynyǵyp, serýendeitin zamanaýi ári jaily mekenine ainalmaq.
Merdiger uiymdardyń ókilderine qarata sóilegen qala ákimi atqarylatyn istiń merzimi men sapasyn buljytpai oryndaýdyń mańyzdylyǵyn atap ótti.
«Merdigerlerge naqty tapsyrma berildi, qurylys belgilengen ýaqytta ári tiisti deńgeide aiaqtalýy tiis. Qala turǵyndaryna sapaly jumys kerek, biz merzimniń sozylyp ketýine nemese atústi jasaýǵa jol bermeimiz. Eger tártip buzýshylyqtar anyqtalsa, qatań sharalar qoldanamyz», — dedi Darhan Satybaldy.
Ol jobany jaýapsyz oryndaǵan jaǵdaida oryndaýshylardyń jeke jaýapkershiligi bar ekenin de eske saldy. Qala basshysynyń tapsyrmasy boiynsha qurylys jumystaryn úsh ai ishinde tolyq aiaqtaý josparlanyp otyr.
