Almatyda Bostandyq aýdany ákimdigi jańa jylǵa daiyndyqqa 178,5 mln teńge bólmek, dep habarlaidy Dalanews.kz.
Ákimdik apparaty memlekettik satyp alý saitynda lot jariialady.
ZTB málimetinshe, qujatqa sáikes: 62,5 mln teńge – «Atakent» aýmaǵyn jańa jyldyq bezendirýge bólinedi. Tehnikalyq sipattamada biiktigi 25 metr, diametri 12 metrlik shyrsha, girliandalar, úsh fotozona jáne jaryq músinderi, onyń ishinde biiktigi 2 metrlik jylqy músini men «2026» tsifrlary bar arka-shar kórsetilgen.
Taǵy 62,5 mln teńge – Tuńǵysh Prezident saiabaǵyn bezendirýge jumsalmaq. Munda da shyrsha ornatylady, girliandalar men fotozonalar qoiylady.
53,5 mln teńge – aýdannyń magistral kóshelerin jaryq shamdarmen bezendirýge josparlanǵan. Ótinimder 24 qyrkúiekten 1 qazanǵa deiin qabyldanady. Aita keteiik, Túrksib aýdany ákimdigi de merekelik daiyndyqqa 178,5 mln teńge jumsamaq.
