Almatynyń Alataý aýdanynda zańsyz ornalastyrylǵan statsionarlyq emes saýda nysandaryn (SESN) súrý jumystary qarqyn aldy, dep habarlaidy Dalanews.kz
Óz betinshe ornatylǵan SESN-derdi joiý naýqany Almaty ákimi Erbolat Dosaevtyń tapsyrmasy aiasynda qolǵa alynǵan.
Búgingi tańda Alataý aýdanynda 119 zańsyz SESN men 40 kúsh ólsheý qurylǵysy buzyldy. Atap aitqanda, sońǵy kúnderi Mádeniet, Saialy jáne Áigerim shaǵyn aýdandarynda zańsyz dúńgirshekter alynyp tastaldy.
Jergilikti turǵyndar bul bastamany qoldaidy.
«Endi aýlamyz keńeiip, taza bolyp qaldy, buryn bul dúńgirshekter retsizdik týdyryp, júrip-turýǵa kedergi keltiretin», – deidi Saialy shaǵyn aýdanynyń turǵyny.
Qalanyń zańsyz nysandardan aýqymdy túrde tazartylýy Almatynyń sáýlettik kelbetin jaqsartýǵa, turǵyndardyń qaýipsizdigin qamtamasyz etýge jáne qolaily qalalyq orta qalyptastyrýǵa baǵyttalǵan.
Búginde memlekettik qordyń jerinde ornalasqan 360 SESN men 274 kúsh ólsheýish alynyp tastaldy.
Buzý jumystary jalǵasýda, al qala ákimdigi kásipkerlerdi saýda nysandaryn ornalastyrý kezinde belgilengen normalar men erejelerdi saqtaýǵa shaqyrady.
