"Baqytjan Ábdiruly Saǵyntaev Almaty qalasynyń ákimi bolyp taǵaıyndalsyn", - delingen jarlyqta.
2015 jyldyń 9 tamyzynan búgingi kúnge deıin Almatyny Baýyrjan Baıbek basqardy. Al Baqytjan Saǵyntaev Qazaqstan prezıdenti ákimshiliginiń basshysy qyzmetin atqarǵan bolatyn.
Baqytjan Saǵyntaev týraly ne bilemiz
Baqytjan Saǵyntaev 1963 jyly 13 qazanda Jambyl oblysy Talas aýdany Úsharal aýylynda dúnıege keldi. Uly júzdiń Oshaqty rýynan bolady.
S.M. Kırov atyndaǵy Qazaq memlekettik ýnıversıtetiniń fılosofıa-ekonomıka fakúltetin bitirgen, ekonomıs, saıası ekonomıka pániniń oqytýshysy.
Ár jyldary Jambyl oblysy ákiminiń orynbasary, premer-mınıstr keńsesiniń jetekshisi, Pavlodar oblysynyń ákimi, ekonomıkalyq damý jáne saýda mınıstri, "Nur Otan" HDP tóraǵasynyń birinshi orynbasary, premer-mınıstrdiń birinshi orynbasary - Óńirlik damý mınıstri, premer-mınıstrdiń birinshi orynbasary qyzmetterin atqardy.
2016 jyldyń 10 qyrkúıeginen 2019 jyldyń 25 aqpanyna deıin Qazaqstan úkimetin basqardy.
2019 jyldyń 24 naýryzynan 28 maýsymyna deıin Qazaqstan prezıdenti ákimshiliginiń basshysy qyzmetin atqardy.
Úılengen, Merýert jáne Nadıra esimdi 2 qyzy bar.
