Almatydaǵy jer silkinisine baılanysty saǵat 16.00-ge deıin halyq jınalatyn jerde bolý kerek, - dep habarlaıdy Dalanews.kz.

Bul týraly Seısmologıalyq baıqaý jáne zertteýler ǵylymı ortalyǵynyń Dáýlet Sársenbaev aıtty. 

"11.22-de Almatyda jer silkinisi boldy. Qazirgi tańda aftershoktar bolýy múmkin. biraq qýattylyǵy álsin seziledi. Sabyr saqtap, halyqty jınaý jerlerinde saǵat 16.00-ge deıin bolýlaryńyzdy suraımyn. Seısmıkalyq jaǵdaıdy baqylaý komısıasynyń qorytyndysyn qosymsha mindetti túrde jetkizemiz", - deıdi Dáýlet Sársenbaev. 

Qazirgi ýaqytta 384 qabyldaý pýnkti ashyq: 229 mektep pen 115 balabaqsha, 15 JOO, 20 kolej jáne 5 stadıon. Aýdan ákimdikteriniń qyzmetkerleri jınalý oryndarynda.

Pýnktter týraly barlyq derekter Almatynyń 2GIS platformasynda ornalastyrylǵan. İzdeý júıesinde "zardap shekken halyqty qabyldaý pýnkti" qosymshasyn engizgen kezde kartalarda turǵyndar úshin barlyq qolda bar jınaý pýnktteri kórsetiledi. Mundaı derekter Almaty qalasy jáne aýdan ákimdikteriniń TJD resmı saıttarynda da bar.

Sondaı-aq, barlyq stasıonarlar, bosandyrý uıymdary, jedel medısınalyq kómek shtattyq rejımde jumys isteıtinin habarlaımyz.

Eske salaıyq, Almatyda 5 bal jer silkinisi bolǵany aıtyldy.