الماتىداعى جەر سىلكىنىسىنە بايلانىستى ساعات 16.00-گە دەيىن حالىق جينالاتىن جەردە بولۋ كەرەك، - دەپ حابارلايدى Dalanews.kz.
بۇل تۋرالى سەيسمولوگيالىق بايقاۋ جانە زەرتتەۋلەر عىلىمي ورتالىعىنىڭ داۋلەت سارسەنبايەۆ ايتتى.
"11.22-دە الماتىدا جەر سىلكىنىسى بولدى. قازىرگى تاڭدا افتەرشوكتار بولۋى مۇمكىن. ءبىراق قۋاتتىلىعى ءالسىن سەزىلەدى. سابىر ساقتاپ، حالىقتى جيناۋ جەرلەرىندە ساعات 16.00-گە دەيىن بولۋلارىڭىزدى سۇرايمىن. سەيسميكالىق جاعدايدى باقىلاۋ كوميسسياسىنىڭ قورىتىندىسىن قوسىمشا مىندەتتى تۇردە جەتكىزەمىز"، - دەيدى داۋلەت سارسەنبايەۆ.
قازىرگى ۋاقىتتا 384 قابىلداۋ پۋنكتى اشىق: 229 مەكتەپ پەن 115 بالاباقشا، 15 جوو، 20 كوللەدج جانە 5 ستاديون. اۋدان اكىمدىكتەرىنىڭ قىزمەتكەرلەرى جينالۋ ورىندارىندا.
پۋنكتتەر تۋرالى بارلىق دەرەكتەر الماتىنىڭ 2گيس پلاتفورماسىندا ورنالاستىرىلعان. ىزدەۋ جۇيەسىندە "زارداپ شەككەن حالىقتى قابىلداۋ پۋنكتى" قوسىمشاسىن ەنگىزگەن كەزدە كارتالاردا تۇرعىندار ءۇشىن بارلىق قولدا بار جيناۋ پۋنكتتەرى كورسەتىلەدى. مۇنداي دەرەكتەر الماتى قالاسى جانە اۋدان اكىمدىكتەرىنىڭ تجد رەسمي سايتتارىندا دا بار.
سونداي-اق، بارلىق ستاسيونارلار، بوساندىرۋ ۇيىمدارى، جەدەل مەديسينالىق كومەك شتاتتىق رەجيمدە جۇمىس ىستەيتىنىن حابارلايمىز.
ەسكە سالايىق، الماتىدا 5 بالل جەر سىلكىنىسى بولعانى ايتىلدى.
