Almatylyqtardyń telefondaryna shuǵyl habarlama keldi. Bul lańkestikke qarsy oqý-jattyǵý bolǵan, - dep habarlaidy Dalanews.kz.
Almaty qalalyq terrorizmmen kúres jónindegi jedel shtabynyń málimetinshe, búgin Terrorizmge qarsy ortalyǵynyń bastamasymen Almaty qalasynyń aýmaǵynda terrorizmge qarsy oqý-jattyǵýlar júrgizildi.
Oqý-jattyǵýdyń maqsaty - lańkestik sipattaǵy túrli qaýip-qaterlerge qarsy áreket etý úshin quqyq qorǵaý jáne arnaiy organdardyń kúshteri men quraldarynyń daiyndyǵyn tekserý.
Oqý-jattyǵý maqsattary terrorizmge osal nysandarda terrorizm aktileriniń jolyn kesý mehanizmin jetildirýge baǵyttalǵan.
Sonymen qatar oqý-jattyǵýlar kezeńinde shekteý sharalary qarastyrylatynyn habarlaimyz. Osyǵan bailanysty, Almaty qalalyq terrorizmge qarsy jedel shtaby qala turǵyndaryn júrgizilip jatqan oqý-jattyǵý sharalaryna, kólik pen halyqtyń qozǵalysyna múmkin bolatyn ýaqytsha shekteýlerge túsinistikpen qaraýǵa shaqyrady.
"Qala turǵyndary men qonaqtarynan qaýipsizdik sharalaryn saqtaýdy jáne memlekettik organdardyń zańdy talaptaryn oryndaýdy suraimyz.
Aita keteiik, QR-nyń "Ákimshilik quqyqbuzýshylyq týraly" Kodeksiniń 443-babyna sáikes, qoǵamdyq tártipti qamtamasyz etýge qatysýshy adamnyń zańdy talabyna baǵynbaý ákimshilik jaýapkershilikke ákep soǵady", - delingen habarlamada.
