«Almaty Finance» enshiles uiymy (Almaty ÁKK kompaniialar tobyna kiredi) «Almaty» MQU aǵymdaǵy jyldyń 9 aiynda almatylyqtarǵa shaǵyn jáne mikrobiznesti damytý úshin 80-nen astam jeńildetilgen nesie berdi.
Nesielerdiń eń kóp bóligin óndiris jáne óńdeý (30%), densaýlyq saqtaý (17%), bilim berý (10%), halyqqa qyzmet kórsetý (10%), týrizm (6%), áleýmettik kásipkerlik (6%), sonymen qatar kreativti ekonomika (5%) salalarynda jobalary bar kásipkerler alǵan.
Kórsetilip otyrǵan kezeńdegi qarjylandyrýdyń jalpy somasy 2,6 mlrd teńgeden asty.
Kásibin endi bastaǵan jáne turaqty jumys istep júrgen kásipkerlerge «Almaty Business-2025» óńirlik kásipkerlikti damytý baǵdarlamasy aiasynda jyldyq 2% jáne 6% jeńildikpen nesie berildi. Aqsha jabdyqty, shikizatty satyp alýǵa, ainalym qarajatyn tolyqtyrýǵa jáne basqa da biznes qajettilikterin jabýǵa bólinedi.
«Almaty» MQU-nyń 7 jyldyq merzimge deiin beretin nesiesiniń eń joǵary somasy 73 840 000 teńgeni quraidy.
2019 jyldan bastap 2024 jyldyń 3 toqsanyna deiin «Almaty» MQU barlyǵy 12,5 mlrd teńgege jýyq somaǵa 560-tan astam shaǵyn jáne mikro biznes jobalaryn qarjylandyrdy.
«Almaty» MQU-nyń «Almaty Business» baǵdarlamasy boiynsha jeńildetilgen nesielendirý aiasynda qalada 2300-den astam jumys orny ashyldy. Jańa kásipkerlik sýbektileriniń ashylýymen qatar, baǵdarlama jergilikti biýdjetke salyq túsimderin arttyrýǵa da belsendi yqpal etýde», - dep atap ótti «Almaty» MQU Basqarma tóraǵasy Altai Ismaǵambetov.
«Almaty» MQU-nyń jeńildetilgen nesielendirýi týraly tolyǵyraq aqparatty +7 (727) 390 80 42 telefony arqyly nemese https://mfoalmaty.kz/ saitynan bile alasyz.
