Ravilia Egemberdieva revaktsinatsiiasyz jasaý múmkin emes dep sanaityn ǵalymdardyń resmi málimdemelerin únemi qadaǵalap otyratynyn aitty.
– Vaktsinalardy jasaýshylar men infektsionisterdiń baqylaýyna sáikes, alty aidan keiin vaktsinalanǵan antidenelerdiń deńgeii tómendeidi, iaǵni aýrýdyń yqtimaldyǵy artady. Qazirgi ýaqytta koronavirýstyń neǵurlym juqpaly «delta» nusqasy tirkelgen kezde, vaktsinatsiia men revaktsinatsiiadan ótý óte mańyzdy, – dedi professor.
Maman vaktsinalardyń tiimdiligi 80-90%-yn quraityny aitty. Biraq bul vaktsinalar aýrýdan birjola qorǵaidy degendi bildirmeidi – álemde eshqandai vaktsina mundai qorǵanys deńgeiin qamtamasyz etpeidi.
– Biraq eger siz vaktsinadan keiin aýyryp qalsańyz, aýrý vaktsinalanbaǵandarǵa qaraǵanda ońaiyraq ótedi. Vaktsinanyń tolyq kýrsynan keiin adam juqtyratyn sirek jaǵdailarda, onyń virýstyq júktemesi áldeqaida az – muryn men juldyrýdaǵy virýstardyń sany, sondyqtan basqalar juqtyrǵan kezde odan infektsiianyń áldeqaida az «dozasyn» alady, – dep túsindirdi Ravilia Egemberdieva.
Osyǵan bailanysty revaktsinatsiia qajet. Koronavirýs jaǵdaiynda revaktsinatsiia kelesi aralyqtardy saqtai otyryp júzege asyrylady: vektorlyq vaktsinalardy alǵannan keiin – 9 aidan keiin, belsendi emes vaktsinalar men m-RNQ vaktsinalarynan keiin – alty aidan keiin.
Professor Izraildi mysalǵa keltirdi, onda alǵash ret jappai qaita egý bastalǵan bolatyn. Bul eldegi koronavirýstyń tórtinshi tolqynyn toqtatýǵa kómektesti. Ravilia Egemberdieva qazir revaktsinatsiianyń qansha ret qajet ekenin eshkimniń aita lamitynyn, degenmen onyń qorǵanys quraly ekenin atap ótti. Onyń pikirinshe, vaktsinatsiiadan keiin, eń bastysy – sanitarlyq-epidemiologiialyq erejelerdi qatań saqtaý ári toqtatpaý.
