TikTok-ta milliondaǵan oqyrmany bar bloger kishkentai qyzdarmen sóilesip, hat almasyp, qyryńdap júrgen bolyp shyqty. Hattarda bloger kishkentai qyzdarǵa sezimin bildirgen. Bul týraly blogerdiń áieli jaiyp saldy, dep habarlaidy Dalanews.kz Ulysmedia.kz-ke siltep.
Bul jaǵdai áleýmettik jelide qyzý talqyǵa tústi. Milliondaǵan oqyrmany bar bloger 10 jáne 11 jastaǵy qyzdarǵa qyryńdap júrgen. Áieli kúieýiniń telefonynan kishkentai qyzdarǵa sezimin bildirgen hattaryn taýyp alǵan. Artynsha blogerdiń áieli ajyrasýǵa aryz bergen.
Jeli qoldanýshylarynyń sózinshe, blogerdiń balalarǵa arnalǵan barbershoby bar, arasynda kishkentai balalarmen videolar túsirip turady.
Blogerdiń áieli birden qyzdardyń anasymen bailanysqa shyqqan, alaida olar bul jaittan esh ábestik kórmegen. Osylaisha áiel adam kúieýiniń qyzdarmen sóilesken skrindary men ózge de materialdardy áleýmettik jelide tarata bastady. Biraq bloger qyryńdaǵan qyzdardyń anasy onyń bárin óshirýdi talap etip, sotqa shaǵymdanatynyn aitqan.
Qazirgi ýaqytta bul is Balalar isi jónindegi ýákil Dinara Zákievanyń baqylaýynda.
Almatynyń politsiia departamentiniń málimetinshe, bloger burynǵy áielim jala japty dep shaǵymdanǵan.
Qazirgi ýaqytta tekserý jumystary júrip jatyr. Pedofiliia deregi boiynsha politsiiaǵa eshqandai aryz túsken joq, deidi politseiler.
