Qylmys asqan qatigezdikpen jasalǵandyqtan, sot prosesi jabyq rejımde ótti, dep habarlaıdy KTK arnasyna silteme jasap Stan.kz.
«Ol búgin óz áreketine qatysty qonymdy sebepter aıtqan joq. Biraq báriniń aıaq astynan oryn alǵanyn aıtty. Bir qylmystyń artynan ekinshisi jalǵasqan. Adam ólimine deıin jetken. Sondyqtan ol qazirdiń ózinde óziniń jasaǵan áreketinen esin jıa almaı otyr. Ókinedi», – deıdi qorǵaýshy Din-Muhammed Narymbetov.
34 jastaǵy almatylyq er adam buǵan deıin sotty bolmaǵan. Tipti ákimshilik jaýapkershilikke tartylmapty. Ol júk tıeýshi bolyp jumys istegen. Tanystary ony sabyrly, jýas adam retinde bilgen.
Esterińizge sala ketsek, ótken jyldyń jeltoqsan aıynda jan túrshigerlik adam ólimi oryn aldy. Er adam apaly-sińlililerdi óltirip, biriniń áýret jerin, ekinshisiniń omyraýyn kesip alǵan. Qorǵaýshynyń sózinshe, Paltýev qurbandarynyń birimen qylmystyq oqıǵa oryn alardan bir apta buryn tanysqan. Sol túni áıelderdiń ózderi er adamdy úıine kirgizipti.
Alaıda aralarynda urys týyp, sottalýshy ústel basynda birge otyrǵan er adamdy uryp jibergen.
Munan keıin apaly-sińlililerge tap berip, óltirip tastaǵan. Qurbandarynyń biri 17 jerinen, ekinshisi 43 jerinen pyshaq jaraqatyn alǵan. Bul ýaqytta olarmen birge bolǵan qonaq qashyp úlgeripti. Munan keıin úıden shyqqan Paltýev jolda ketip bara jatqan áıeldi tonamaq bolyp, ony da pyshaqtap tastaǵan.
