قىلمىس اسقان قاتىگەزدىكپەن جاسالعاندىقتان، سوت پروسەسى جابىق رەجيمدە ءوتتى، دەپ حابارلايدى كتك ارناسىنا سىلتەمە جاساپ Stan.kz.
«ول بۇگىن ءوز ارەكەتىنە قاتىستى قونىمدى سەبەپتەر ايتقان جوق. ءبىراق ءبارىنىڭ اياق استىنان ورىن العانىن ايتتى. ءبىر قىلمىستىڭ ارتىنان ەكىنشىسى جالعاسقان. ادام ولىمىنە دەيىن جەتكەن. سوندىقتان ول ءقازىردىڭ وزىندە ءوزىنىڭ جاساعان ارەكەتىنەن ەسىن جيا الماي وتىر. وكىنەدى»، – دەيدى قورعاۋشى دىن-مۇحاممەد نارىمبەتوۆ.
34 جاستاعى الماتىلىق ەر ادام بۇعان دەيىن سوتتى بولماعان. ءتىپتى اكىمشىلىك جاۋاپكەرشىلىككە تارتىلماپتى. ول جۇك تيەۋشى بولىپ جۇمىس ىستەگەن. تانىستارى ونى سابىرلى، جۋاس ادام رەتىندە بىلگەن.
ەستەرىڭىزگە سالا كەتسەك، وتكەن جىلدىڭ جەلتوقسان ايىندا جان تۇرشىگەرلىك ادام ءولىمى ورىن الدى. ەر ادام اپالى-سىڭلىلىلەردى ءولتىرىپ، ءبىرىنىڭ اۋرەت جەرىن، ەكىنشىسىنىڭ ومىراۋىن كەسىپ العان. قورعاۋشىنىڭ سوزىنشە، پالتۋيەۆ قۇرباندارىنىڭ بىرىمەن قىلمىستىق وقيعا ورىن الاردان ءبىر اپتا بۇرىن تانىسقان. سول ءتۇنى ايەلدەردىڭ وزدەرى ەر ادامدى ۇيىنە كىرگىزىپتى.
الايدا ارالارىندا ۇرىس تۋىپ، سوتتالۋشى ۇستەل باسىندا بىرگە وتىرعان ەر ادامدى ۇرىپ جىبەرگەن.
مۇنان كەيىن اپالى-سىڭلىلىلەرگە تاپ بەرىپ، ءولتىرىپ تاستاعان. قۇرباندارىنىڭ ءبىرى 17 جەرىنەن، ەكىنشىسى 43 جەرىنەن پىشاق جاراقاتىن العان. بۇل ۋاقىتتا ولارمەن بىرگە بولعان قوناق قاشىپ ۇلگەرىپتى. مۇنان كەيىن ۇيدەن شىققان پالتۋيەۆ جولدا كەتىپ بارا جاتقان ايەلدى توناماق بولىپ، ونى دا پىشاقتاپ تاستاعان.
