Gúlnar Jumanova qazirgi teologıa barlyq ózekti máselelerge, sonyń ishinde densaýlyq saqtaý men vaksınalanýǵa qatysty suraqtarǵa jaýap beredi dep esepteıdi.
– 20 276 pátýasy bar – Saýd sheıhy Abdýl-Azız Ibn Baazdyń ımmýndaý men vaksınalaný týraly qaýlysy. Jalpy, maǵynasy vaksınalaný – bul aýrýlardan qorǵanýdyń bir túri. Sondyqtan derttiń nemese kez-kelgen epıdemıanyń aldyn alýdyń paıdasy zor, – dep túsindirdi dintanýshy.
Gúlnar Jumanovanyń pikirinshe, sharıǵat erejeleriniń biri – qaýiptiń aldyn alý qajet. Sondyqtan ımmýndaýdy júrgizgen jón, óıtkeni vaksınalanýdyń zıannan da paıdasy kóp. Demek, ekpe saldyrý óte qajet.
Dintanýshy BAÁ, Túrkıa, Malaızıa sıaqty musylman elderinde koronavırýsqa qarsy vaksına ýlema pátýasynyń ruqsatymen júrgiziletinin atap ótti.
Mysaly, Saýd Arabıasy vaksınasıamen qamtý boıynsha álemdegi eń joǵary elderdiń biri bolyp tabylady jáne osy el úkimetiniń ótinishi boıynsha Mekkege qajylyqqa qatysýshylardyń barlyǵyna COVID-19 vaksınasy mindetti bolyp tabylady.
– Bizdiń elimizde kóp jyldar boıy Qazaqstan musylmandary dinı basqarmasynyń pátýasy qoldanysta bolýda. Onyń ókilderi Islamda adam ómiri men densaýlyǵynan artyq qundylyq joq, sondyqtan árkim óz densaýlyǵyna erekshe nazar aýdarýy kerek. Alla Taǵala «Baqara» súresiniń 195 -aıatynda: «Óz qolyńmen ólimge ushyrama» deıdi. Allah Elshisi (oǵan Allanyń ıgiligi men sálemi bolsyn): «Emdelińder, Alla qandaı aýrýdy jiberse de, shyndyǵynda, emin de birge jiberdi, – dedi dintanýshy.
Gúlnar. Jumanova «aýyryp em izdegenshe aýyrmaıtyn jol izde» degendi basa aıtty. Sondyqtan ár adam dertti emdeý men onyń aldyn alý joldary týraly oılanýy tıis.
– Sharıǵat zańy vaksınaǵa ruqsat beredi. Bizdiń elde jáne álemde epıdemıalyq jaǵdaıdyń nasharlaýyna baılanysty, ımmýndaý shuǵyl túrde qajet. Sondyqtan QMBD turǵyndardy densaýlyqtary men ómirlerin saqtap qalý úshin vaksınalanýǵa shaqyrady. Islamda, basqa dinderdegideı, máseleniń mánin túsiný úshin mamandarǵa júginý ádetke aınalǵan. Islam dini medısınaǵa únemi qoldaý bildiredi. Alla Taǵala ómir súrý men densaýlyqty baǵalaýdy jáne qorǵaýdy buıyrdy, áreketsiz qalmaı jáne Allanyń qalaýyna sený kerek. Allanyń qalaýy – adamdardyń deniniń saý bolýy, al basty áreket – ekpe saldyrý. Sonda ǵana ózimiz de, elimiz de qaýipsiz bolady, – dedi G. Jumanova.
Dintanýshy din máselesinde adamdar arasynda vaksınalaý taqyrybyna qatysty eshqandaı alalaýshylyq bolmaýy tıis dep sanaıdy.
