گۇلنار جۇمانوۆا قازىرگى تەولوگيا بارلىق وزەكتى ماسەلەلەرگە، سونىڭ ىشىندە دەنساۋلىق ساقتاۋ مەن ۆاكسينالانۋعا قاتىستى سۇراقتارعا جاۋاپ بەرەدى دەپ ەسەپتەيدى.
– 20 276 ءپاتۋاسى بار – ساۋد شەيحى ابدۋل-ازيز يبن باازدىڭ يممۋنداۋ مەن ۆاكسينالانۋ تۋرالى قاۋلىسى. جالپى، ماعىناسى ۆاكسينالانۋ – بۇل اۋرۋلاردان قورعانۋدىڭ ءبىر ءتۇرى. سوندىقتان دەرتتىڭ نەمەسە كەز-كەلگەن ەپيدەميانىڭ الدىن الۋدىڭ پايداسى زور، – دەپ ءتۇسىندىردى ءدىنتانۋشى.
گۇلنار جۇمانوۆانىڭ پىكىرىنشە، شاريعات ەرەجەلەرىنىڭ ءبىرى – ءقاۋىپتىڭ الدىن الۋ قاجەت. سوندىقتان يممۋنداۋدى جۇرگىزگەن ءجون، ويتكەنى ۆاكسينالانۋدىڭ زياننان دا پايداسى كوپ. دەمەك، ەكپە سالدىرۋ وتە قاجەت.
ءدىنتانۋشى ءباا، تۇركيا، مالايزيا سياقتى مۇسىلمان ەلدەرىندە كوروناۆيرۋسقا قارسى ۆاكسينا ۋلەما ءپاتۋاسىنىڭ رۇقساتىمەن جۇرگىزىلەتىنىن اتاپ ءوتتى.
مىسالى، ساۋد ارابياسى ۆاكسيناسيامەن قامتۋ بويىنشا الەمدەگى ەڭ جوعارى ەلدەردىڭ ءبىرى بولىپ تابىلادى جانە وسى ەل ۇكىمەتىنىڭ ءوتىنىشى بويىنشا مەككەگە قاجىلىققا قاتىسۋشىلاردىڭ بارلىعىنا COVID-19 ۆاكسيناسى مىندەتتى بولىپ تابىلادى.
– ءبىزدىڭ ەلىمىزدە كوپ جىلدار بويى قازاقستان مۇسىلماندارى ءدىني باسقارماسىنىڭ ءپاتۋاسى قولدانىستا بولۋدا. ونىڭ وكىلدەرى يسلامدا ادام ءومىرى مەن دەنساۋلىعىنان ارتىق قۇندىلىق جوق، سوندىقتان اركىم ءوز دەنساۋلىعىنا ەرەكشە نازار اۋدارۋى كەرەك. اللا تاعالا «باقارا» سۇرەسىنىڭ 195 -اياتىندا: «ءوز قولىڭمەن ولىمگە ۇشىراما» دەيدى. اللاھ ەلشىسى (وعان اللانىڭ يگىلىگى مەن سالەمى بولسىن): «ەمدەلىڭدەر، اللا قانداي اۋرۋدى جىبەرسە دە، شىندىعىندا، ەمىن دە بىرگە جىبەردى، – دەدى ءدىنتانۋشى.
گۇلنار. جۇمانوۆا «اۋىرىپ ەم ىزدەگەنشە اۋىرمايتىن جول ىزدە» دەگەندى باسا ايتتى. سوندىقتان ءار ادام دەرتتى ەمدەۋ مەن ونىڭ الدىن الۋ جولدارى تۋرالى ويلانۋى ءتيىس.
– شاريعات زاڭى ۆاكسيناعا رۇقسات بەرەدى. ءبىزدىڭ ەلدە جانە الەمدە ەپيدەميالىق جاعدايدىڭ ناشارلاۋىنا بايلانىستى، يممۋنداۋ شۇعىل تۇردە قاجەت. سوندىقتان قمبد تۇرعىنداردى دەنساۋلىقتارى مەن ومىرلەرىن ساقتاپ قالۋ ءۇشىن ۆاكسينالانۋعا شاقىرادى. يسلامدا، باسقا دىندەردەگىدەي، ماسەلەنىڭ ءمانىن ءتۇسىنۋ ءۇشىن ماماندارعا جۇگىنۋ ادەتكە اينالعان. يسلام ءدىنى مەديسيناعا ۇنەمى قولداۋ بىلدىرەدى. اللا تاعالا ءومىر ءسۇرۋ مەن دەنساۋلىقتى باعالاۋدى جانە قورعاۋدى بۇيىردى، ارەكەتسىز قالماي جانە اللانىڭ قالاۋىنا سەنۋ كەرەك. اللانىڭ قالاۋى – ادامداردىڭ دەنىنىڭ ساۋ بولۋى، ال باستى ارەكەت – ەكپە سالدىرۋ. سوندا عانا ءوزىمىز دە، ەلىمىز دە ءقاۋىپسىز بولادى، – دەدى گ. جۇمانوۆا.
ءدىنتانۋشى ءدىن ماسەلەسىندە ادامدار اراسىندا ۆاكسينالاۋ تاقىرىبىنا قاتىستى ەشقانداي الالاۋشىلىق بولماۋى ءتيىس دەپ سانايدى.
