2025 jyldyń alǵashqy jartysynda Almatyǵa 1,14 millionnan astam týrist keldi. Bul ótken jyldyń osy kezeńimen salystyrǵanda 6,5% kóp. Bul týraly Qalalyq týrizm basqarmasy málimdedi,- dep habarlaidy Dalanews.kz.
Týristerdiń 323,5 myńy sheteldik, al 816,5 myńy ishki týrist.
Ásirese, Qytaidan kelgen meiman kóp. Alty aida Almatyǵa 54,1 myń qytailyq azamat aialdaǵan. Bul ótken jylmen salystyrǵanda 33,4% artyq. Qytai Úndistannan keiingi ekinshi oryndy ielendi (56,2 myń adam). Úzdik bestikte Túrkiia (17,9 myń), Koreia Respýblikasy (9,7 myń), AQSh (9,6 myń), BAÁ (6,7 myń) jáne Germaniia (6,5 myń) bar.
Halyqaralyq týrister sanynyń artýyna týristik infraqurylymdy damytý men qala qonaqtaryna arnalǵan zamanaýi servisterdi engizý yqpal etti. Qalalyq týrizm basqarmasynyń málimetinshe, Almaty demalys pen iskerlik týrizm úshin tartymdy baǵyt retinde pozitsiiasyn nyǵaityp, týristik lektiń aýqymyn keńeitip, kelýshilerge jaily jaǵdai jasap otyr.
Eske salaiyq, 2025 jyly Almaty CNN nusqasy boiynsha úzdik týristik baǵyttardyń qataryna kirip, Booking.com tiziminde de jyldyń trendtik baǵyttarynyń biri retinde tanyldy.
