2025 جىلدىڭ العاشقى جارتىسىندا الماتىعا 1،14 ميلليوننان استام تۋريست كەلدى. بۇل وتكەن جىلدىڭ وسى كەزەڭىمەن سالىستىرعاندا 6،5% كوپ. بۇل تۋرالى قالالىق تۋريزم باسقارماسى مالىمدەدى،- دەپ حابارلايدى Dalanews.kz.
تۋريستەردىڭ 323،5 مىڭى شەتەلدىك، ال 816،5 مىڭى ىشكى تۋريست.
اسىرەسە، قىتايدان كەلگەن مەيمان كوپ. التى ايدا الماتىعا 54،1 مىڭ قىتايلىق ازامات ايالداعان. بۇل وتكەن جىلمەن سالىستىرعاندا 33،4% ارتىق. جۇڭگو ءۇندىستاننان كەيىنگى ەكىنشى ورىندى يەلەندى (56،2 مىڭ ادام). ۇزدىك بەستىكتە تۇركيا (17،9 مىڭ)، كورەيا رەسپۋبليكاسى (9،7 مىڭ)، اقش (9،6 مىڭ)، ءباا (6،7 مىڭ) جانە گەرمانيا (6،5 مىڭ) بار.
حالىقارالىق تۋريستەر سانىنىڭ ارتۋىنا تۋريستىك ينفراقۇرىلىمدى دامىتۋ مەن قالا قوناقتارىنا ارنالعان زاماناۋي سەرۆيستەردى ەنگىزۋ ىقپال ەتتى. قالالىق تۋريزم باسقارماسىنىڭ مالىمەتىنشە، الماتى دەمالىس پەن ىسكەرلىك تۋريزم ءۇشىن تارتىمدى باعىت رەتىندە پوزيسياسىن نىعايتىپ، تۋريستىك لەكتىڭ اۋقىمىن كەڭەيتىپ، كەلۋشىلەرگە جايلى جاعداي جاساپ وتىر.
ەسكە سالايىق، 2025 جىلى الماتى CNN نۇسقاسى بويىنشا ۇزدىك تۋريستىك باعىتتاردىڭ قاتارىنا كىرىپ، Booking.com تىزىمىندە دە جىلدىڭ ترەندتىك باعىتتارىنىڭ ءبىرى رەتىندە تانىلدى.
