تانىمال پروديۋسەر مٶلدٸر مۇقاننىڭ ەپكەسٸ ايگٷل تٷلكٸبايقىزى ەلەۋمەتتٸك جەلٸدەگٸ پاراقشاسىندا قۋانىشتى جاڭالىعىن بٶلٸستٸ, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
ول جارييالاعان ۆيدەودا قىزى امانعالي ەدەمٸ تۇرسىنبەكقىزىنىڭ دۋباي قالاسىنداعى بريتان ۋنيۆەرسيتەتٸن سەتتٸ تەمامداپ, ارحيتەكتور ماماندىعى بويىنشا ديپلومىن ٷزدٸك قورعاعانى ايتىلعان.
ايگٷل تٷلكٸبايقىزى قىزىنىڭ شەتەلدە بەس جىل بٸلٸم الىپ, ٷلكەن جاۋاپكەرشٸلٸكپەن وقۋىن اياقتاعانىن جازدى. ونىڭ ايتۋىنشا, ەدەمٸ ساباققا ٶتە مۇقييات قاراپ, ەمتيحان مەن سەسسييا كەزٸندە تالاي ۇيقىسىز تٷن ٶتكٸزگەن.
"سٷيٸنشٸ! امانعالي ەدەمٸ تۇرسىنبەكقىزى دۋباي قالاسىنداعى بريتان ۋنيۆەرسيتەتٸندە ارحيتەكتور ماماندىعى بويىنشا بەس جىل وقىپ, بٷگٸن ديپلومىن ٷزدٸك قورعادى. ەڭبەكقور, بٸلٸمدٸ, سانالى قىزىمىز حالىقارالىق دەڭگەيدەگٸ مىقتى مامان بولىپ جاتىر", – دەپ جازدى ول.
سونداي-اق ول شەتەلدە وقۋ وڭاي ەمەس ەكەنٸن, باسقا ەلدٸڭ بٸلٸم جٷيەسٸنە بەيٸمدەلۋ ٷلكەن ەڭبەك پەن تاباندىلىقتى قاجەت ەتەتٸنٸن اتاپ ٶتتٸ. ايگٷل تٷلكٸبايقىزىنىڭ سٶزٸنشە, ەدەمٸ ديپلومدىق جۇمىسىن جازعان كەزدە بار نازارىن تەك بٸلٸمگە اۋدارىپ, ٷلكەن جاۋاپكەرشٸلٸك تانىتقان.
"ماماسىن قولداي جٷرٸپ, ساباعىن دا قاتار الىپ جٷرگەن پىسىق قىز. اللا جار بولسىن", – دەپ جازدى ول.
