Almatyǵa azyq-túlik ónimderi tikelei jetkiziledi
Endi sút, súzbe, siyr eti, kúnbaǵys maiy jáne basqa da ónimder megapoliske tikelei jetkiziletin bolady.
Damir Tazabek «Magnum» saýda jelilerine sút, súzbe jetkizýge «ODS Cún»-men kelisimshart jasalǵanyn aitty. Sonymen qatar, «Naz-Dana» sharýa qojalyǵy Small and Toimart saýda jelilerine 1000 tonna piiaz jetkizedi. Saýda jelilerine «Agrokompleks Jetisý Majiko» kúnbaǵys maiy, «Agrofirma Birlik» JShS men «Tamshy-Bulaq» JShS siyr eti men «Dinara Ranch» kúrishi jetkiziledi.
Sonymen qatar, KjIB basshysynyń orynbasary Almatyda qaraqumyqtyń eń joǵary baǵasy – 361 tg/kg (30 naýryzǵa deiin jaramdy) men jumyrtqa - 487 tg/on birligi (30 maýsymǵa deiin jaramdy) belgilengenin eske saldy.
Qazirgi kezde aq qyryqqabattyń ruqsat etilgen shekti bólshek saýda baǵasyn belgileý 30 kúntizbelik kún ishinde 83 tg/kg ázirlenýde.
– Aýyl sharýashylyǵy ónimderiniń qalaǵa apta saiyn turaqty jetkizilýin qamtamasyz etý maqsatynda Almaty qalasynyń barlyq aýdandarynda «demalys kúnderi» azyq-túlik jármeńkeleri ótkiziledi. Almaty oblysynyń jaqyn aýdandarynyń aýylsharýashylyq taýar óndirýshileri, sondai-aq Almatynyń azyq-túlik kásiporyndary qatysady, – dedi D. Tazabek.
2021 jyldyń basynan beri 350-ge jýyq jármeńke ótkizildi, onda 3 myń tonnaǵa jýyq ónim 30 mln astam teńgege satyldy.
Almaty qalasynyń azyq-túlik qaýipsizdigin tómen baǵamen qamtamasyz etý boiynsha jumys baqylaýda bolady.
