Birqatar iri volonterlik qozǵalystardyń qataryna OF “Lıga volonterov Kazahstana”, OF “QAMQOR CHARITY”, “LIDER.kz”, “Klýb dobrákov Almaty”, “Komanda SOS”, ROO “Medısınskaıa molodej” («Qazaqstan Eriktiler Lıgasy» QQ, «QAMQOR CHARITY» QQ, «LIDER.kz», «Almaty qalasynyń meıirimdiler klýby», «SOS komandasy», «Medısınalyq jastar»)? qoǵamdyq uıymy jáne t.b. Uıymdardyń derekter bazasynda 50 myńnan astam volonteri bar.
– Bizdiń qalada Depo Evolution Park ortalyǵy bar – bul jastardyń jınalatyn jeri. Bizdiń volonterlik keńse osy ortalyqta ornalasqan. Volonterlik front-ofıstiń basty maqsaty – túrli uıymdardy biriktirip, jobalardy birlesip júzege asyrý, – dedi A.Qajdenbek.
Volonterlerdiń front-ofısi volonterlar men volonterlik uıymdarǵa keńes berý jáne qoldaý kórsetý qyzmetin atqarady, onyń jumysy memlekettik áleýmettik tapsyrys sheńberinde júzege asyrylady.
– Front-ofıstiń jumysy jastardyń qalanyń áleýmettik-ekonomıkalyq, áleýmettik, sporttyq ómirine belsene qatysýyn arttyrýǵa baǵyttalǵan. Volonterlik qyzmetke tartylǵan azamattardyń úlesin arttyrýǵa, olardyń memlekettik organdarmen ózara árekettesý tetikterin jetildirýdi kózdeımiz. Sonymen qatar memlekettik mekemeler men azamattardy halyqtyń áleýmettik mańyzdy máselelerin sheshýge qatysýǵa tartý, – dedi B.Anarbaeva.
Sonymen qatar, qalalyq eriktiler túrli jobalardy uıymdastyryp, ótkizedi. Máselen, «Narkostop» jobasy aıasynda almatylyq jastar tyıym salynǵan zattardyń jarnamasyn boıaý boıynsha turaqty jumys júrgizdi. Bul aksıalar megapolıstiń úlken aýmaqtarynda júrgizildi.
Eriktiler qart adamdarǵa kómektesý úshin kúsh biriktiredi. Jalǵyzbasty zeınetkerlerdiń bos ýaqytyn qyzyqty ótkizýdi uıymdastyrý maqsatynda apta saıyn 50 volonter tartylǵan, «Keńestik kıno keshi» ótkiziledi. Jyl basynan beri túrli pansıonattar men áleýmettik ortalyqtarda 30-dan astam keńestik kıno keshteri uıymdastyrylyp ótkizildi.
Balalar úıiniń tárbıelenýshileri eriktilerdiń nazarynan tys qalmaǵan.
«Sabaqtastyq» baǵyty aıasynda 27 is-shara ótkizildi, onyń ishinde túrli sheberlik synyptary men kásiptik baǵdar berý, qustarǵa jem salatyn jáshik buıymdar jasaý, qolóner jáne orıgamı, mánerlep syrǵanaý, «Januıa» balalar úıiniń tárbıelenýshilerimen VR ortalyǵyna saıahat, «Balalar aýyly», «SOS», «Jastar úıi» jáne t.b. Bul atalǵan is-sharalarǵa 80-nen astam eriktiler men 200 bala qatystyryldy.
Sonymen qatar, eriktiler iz-tússiz joǵalǵandardy izdeýge belsendi túrde qatysýda. Jyl basynan beri 30 adamnan turatyn erikti jasaq 69 adamdy taýyp qutqardy. Barlyǵy 649 izdeý, suraýlar boldy.
Qala eriktileri Túrkıadaǵy jer silkinisinen zardap shekkenderge gýmanıtarlyq kómek kórsetý jumystaryn da belsendi uıymdastyrdy. Eriktiler 51,5 tonnadan astam gýmanıtarlyq kómek jınap, jóneltti.
Aǵymdaǵy jyldyń naýryz aıynda «Men jaýapty donormyn» atty qan tapsyrý naýhany uıymdastyryldy. Qan tapsyrýdy uıymdastyrýdaǵy basty maqsat – zardap shekkender men qanǵa muqtaj jandarǵa kómek kórsetý boldy.
Aksıaǵa Almaty qalasynyń jastary, sondaı-aq túrli qoǵamdyq jáne qaıyrymdylyq uıymdarynyń ókilderi, jýrnalıser men belgili belsendi ókilder qatysty.
Jastar resýrstyq ortalyǵynda donorlardy «Birgemiz:Saulyq» medısınalyq eriktileri men «QAMQOR CHARITY» QQ eriktileri qarsy alyp, qoldaý kórsetti. Keremet kóńil-kúı men qyzyqty kezdesýlerden bólek, donorlardyń tamasha fotosýretteri estelikke qaldyryldy.
Sonymen qatar, Jastar saıasaty basqarmasy eriktilermen birlesip, «Jasyl el» jobasyn júzege asyrýdy josparlady. Bul joba jastardy jazǵy ýaqytta jumyspen qamtý, bos ýaqyttaryn uıymdastyrý maqsatynda josparǵa engizilip otyr. Bul rette Almaty qalasynyń ákimi Erbolat Dosaev bekitken Jastardy qoldaýdyń jol kartasyna sáıkes, 10 myń qala jastaryn jumyspen qamtý qarastyrylýda.
