Adamdardy úiinen shyǵarý týraly óndiristegi atqarýshylyq is eki jeke tulǵa arasyndaǵy daý ekenin atap ótkimiz keledi. Elektrondy bás saýdada baspanany satyp alǵan ári menshik quqyǵy tirketken adam burynǵy úi ielerin úiden shyǵarý úshin sotqa júgindi. 2020 jyldyń 10 maýsymynda sot bul talapty qanaǵattandyrdy. Ótken jyldan beri boryshker sot sheshimin oryndaý qajettiligi týraly birneshe ret habardar etildi. Sottyń burynǵy qojaiynyn úiden shyǵarý týraly sheshimin oryndaý kezinde qaiǵyly oqiǵa oryn aldy, bes adam qaza tapty, - delingen habarlamada.
Osyǵan bailanysty Respýblikalyq jeke sot oryndaýshylar palatasy qyzmet babynda qaza tapqandardyń otbasy men jaqyndarynyń qaiǵylaryna ortaqtasyp, kóńil aitady.
Qaza tapqandardyń artynda otbasy men kámeletke tolmaǵan balalary qaldy.
Jeke sot oryndaýshylarynyń kásibi qaýymdastyǵy qaza tapqandardyń otbasylaryna jan-jaqty qoldaý men qajetti kómek kórsetedi. Oqiǵanyń mán-jaiyn quqyq qorǵaý organdary tekserip jatyr, - dep atap ótti palatadaǵylar.
20 qyrkúiek kúni Almatynyń Alataý aýdanyndaǵy "Aqbulaq" yqsham aýdanynda 1967 jylǵy er adam sot oryndaýshylaryna, ýchaskelik politsiia inspektorlaryna jáne beibit turǵyndarǵa oq jaýdyrdy. Bes adam qaza tapty. Atalǵan faktige sáikes, "Eki nemese odan da kóp adamdy óltirý" baby boiynsha tergeý bastaldy. Bul bap boiynsha 20 jylǵa deiin bas bostandyǵynan aiyrý nemese ómir boiyna bas bostandyǵynan aiyrý jazasy qarastyrylǵan.
Kúdikti arnaiy jasaqtyń kómegimen ustaldy.
