Osyǵan bailanysty depýtat Halyq Uni tilshisine bergen jaýabynda óziniń qoqan-loqqyǵa tap bolǵanyn, politsiianyń kómek kórsetpegenin aitqan.
– Beinebaqylaý kameralaryn qaradyq. Onda belgisiz adamnyń podezge kirgenin, keiin balanyń arbasyn órtegenin kórýge bolady. Meniń oiymsha, bul – provokatsiia. Ol psihikalyq aýrý adam deitinin joqqa shyǵarmaimyn. Alaida, provokatsiia meniń kásibi qyzmetimmen tikelei bailanysty dep sanaimyn, – dedi Baqytjan Bazarbek Májilis kýlýarynda.
«Bul AMANAT partiiasynyń janynan qurylǵan «Jer amanaty» komissiiasy tóraǵasynyń orynbasary bolǵanymnan bastaldy. Biz jer paidalanýshylarǵa kóptegen tekserýdi ashyq júrgize bastadyq. Onyń ishinde kóp oligarh bar. Qazir Almatyda jáne Almatydaǵy taý bókterinde ornalasqan kóptegen jerdi tekserip jatyrmyz. Árine, bireý munyń bárin unatpaidy. Shynymdy aitaiyn, maǵan qyzmetimniń saldary bolatynyn ashyq aityp, qoqan-loqqy jasaldy», – dedi depýtat.
Onyń aitýynsha, ótken aptada Májilis depýtattary «Orman sharýashylyǵy týraly zańǵa ózgeris pen tolyqtyrý týraly» zań jobasyn qaraýǵa almaǵan. Másele erekshe qorǵalatyn tabiǵi aýmaqtyń jerin aýyldyq eldi mekendegi jerdiń quramyna engizýge bailanysty.
Biz munyń artynda kim turǵanyn bilemiz. Onda jerdi satyp alǵan keibir adamdar tur. Keibir adamdar óz úilerin zańdastyrýǵa nietti. Alaida jerler qatelesip, ulttyq tabiǵi parkter men qoryqtardyń quramyna kirip ketipti. Biz olarǵa sot organdaryna júginýge keńes berdik.
Biraq biz munyń artynda osy ýchaskelerdi satyp alǵan jáne depýtattar arqyly qoǵam úshin óte qaýipti zań jobasyn ótkizgisi keletin keibir kúshter bar dep sanaimyz. Biz komitet otyrysynda (zańǵa) oń qorytyndy bergen joqpyz. Erteń komitet bul zań jobasyn qaita qaraidy, – dedi Baqytjan Bazarbek. Biraq depýtat ózine naqty kimnen qaýip tónip turǵanyn bilmeidi.
Sondai-aq Baqytjan Bazarbek politsiiadan tiisti kómek ala almaǵanyn da jetkizdi.
«Politseilerden kómek suradym. Men olarǵa «Qylmystyqtyń kodekstiń 376-baby («Parlament depýtatynyń qyzmetine kedergi keltirý») boiynsha qylmystyq is qozǵaý kerek» dep aittym. Alaida politsiia bul bappen emes, buzaqylyq (hýliganstvo) boiynsha qylmystyq is qozǵady», – dep túiindedi sózin depýtat.
