وسىعان بايلانىستى دەپۋتات Halyq Uni تٸلشٸسٸنە بەرگەن جاۋابىندا ٶزٸنٸڭ قوقان-لوققىعا تاپ بولعانىن, پوليتسييانىڭ كٶمەك كٶرسەتپەگەنٸن ايتقان.
– بەينەباقىلاۋ كامەرالارىن قارادىق. وندا بەلگٸسٸز ادامنىڭ پودەزگە كٸرگەنٸن, كەيٸن بالانىڭ ارباسىن ٶرتەگەنٸن كٶرۋگە بولادى. مەنٸڭ ويىمشا, بۇل – پروۆوكاتسييا. ول پسيحيكالىق اۋرۋ ادام دەيتٸنٸن جوققا شىعارمايمىن. الايدا, پروۆوكاتسييا مەنٸڭ كەسٸبي قىزمەتٸممەن تٸكەلەي بايلانىستى دەپ سانايمىن, – دەدٸ باقىتجان بازاربەك مەجٸلٸس كۋلۋارىندا.
«بۇل AMANAT پارتيياسىنىڭ جانىنان قۇرىلعان «جەر اماناتى» كوميسسيياسى تٶراعاسىنىڭ ورىنباسارى بولعانىمنان باستالدى. بٸز جەر پايدالانۋشىلارعا كٶپتەگەن تەكسەرۋدٸ اشىق جٷرگٸزە باستادىق. ونىڭ ٸشٸندە كٶپ وليگارح بار. قازٸر الماتىدا جەنە الماتىداعى تاۋ بٶكتەرٸندە ورنالاسقان كٶپتەگەن جەردٸ تەكسەرٸپ جاتىرمىز. ەرينە, بٸرەۋ مۇنىڭ بەرٸن ۇناتپايدى. شىنىمدى ايتايىن, ماعان قىزمەتٸمنٸڭ سالدارى بولاتىنىن اشىق ايتىپ, قوقان-لوققى جاسالدى», – دەدٸ دەپۋتات.
ونىڭ ايتۋىنشا, ٶتكەن اپتادا مەجٸلٸس دەپۋتاتتارى «ورمان شارۋاشىلىعى تۋرالى زاڭعا ٶزگەرٸس پەن تولىقتىرۋ تۋرالى» زاڭ جوباسىن قاراۋعا الماعان. مەسەلە ەرەكشە قورعالاتىن تابيعي اۋماقتىڭ جەرٸن اۋىلدىق ەلدٸ مەكەندەگٸ جەردٸڭ قۇرامىنا ەنگٸزۋگە بايلانىستى.
بٸز مۇنىڭ ارتىندا كٸم تۇرعانىن بٸلەمٸز. وندا جەردٸ ساتىپ العان كەيبٸر ادامدار تۇر. كەيبٸر ادامدار ٶز ٷيلەرٸن زاڭداستىرۋعا نيەتتٸ. الايدا جەرلەر قاتەلەسٸپ, ۇلتتىق تابيعي پاركتەر مەن قورىقتاردىڭ قۇرامىنا كٸرٸپ كەتٸپتٸ. بٸز ولارعا سوت ورگاندارىنا جٷگٸنۋگە كەڭەس بەردٸك.
بٸراق بٸز مۇنىڭ ارتىندا وسى ۋچاسكەلەردٸ ساتىپ العان جەنە دەپۋتاتتار ارقىلى قوعام ٷشٸن ٶتە قاۋٸپتٸ زاڭ جوباسىن ٶتكٸزگٸسٸ كەلەتٸن كەيبٸر كٷشتەر بار دەپ سانايمىز. بٸز كوميتەت وتىرىسىندا (زاڭعا) وڭ قورىتىندى بەرگەن جوقپىز. ەرتەڭ كوميتەت بۇل زاڭ جوباسىن قايتا قارايدى, – دەدٸ باقىتجان بازاربەك. بٸراق دەپۋتات ٶزٸنە ناقتى كٸمنەن قاۋٸپ تٶنٸپ تۇرعانىن بٸلمەيدٸ.
سونداي-اق باقىتجان بازاربەك پوليتسييادان تيٸستٸ كٶمەك الا الماعانىن دا جەتكٸزدٸ.
«پوليتسەيلەردەن كٶمەك سۇرادىم. مەن ولارعا «قىلمىستىقتىڭ كودەكستٸڭ 376-بابى («پارلامەنت دەپۋتاتىنىڭ قىزمەتٸنە كەدەرگٸ كەلتٸرۋ») بويىنشا قىلمىستىق ٸس قوزعاۋ كەرەك» دەپ ايتتىم. الايدا پوليتسييا بۇل باپپەن ەمەس, بۇزاقىلىق (حۋليگانستۆو) بويىنشا قىلمىستىق ٸس قوزعادى», – دەپ تٷيٸندەدٸ سٶزٸن دەپۋتات.
