Sarapshylar Almaty qalasynyń sailaý ýchaskelerinde baqylaý júrgizdi. Túrki elderiniń ókilderi Almatyda sailaý barysy joǵary deńgeide, tynysh, birqalypty ótkenin atap ótti.
– Biz Almatyda boldyq, is-saparlar jasap, túrli partiialardyń ókilderimen sóilestik. Sailaý komissiialarynyń jumysyna erekshe nazar aýdaryldy. Osy ýaqyt ishinde biz sailaý barysyn baqylai otyryp, ashyqtyq pen kásibilikti kórdik. Biz eshqandai problema tappadyq, – dedi Túrkiia Uly Ulttyq jinalysy Bas assambleiasynyń depýtaty Ibrahim Aidemir.
Túrkiialyq delegatsiia sailaý ýchaskesine kelý barysyn da qadaǵalady, jáne olar azamattardyń belsendiligin baiqaǵan. Sonymen birge, olar egde jastaǵy adamdar men múmkindikteri shekteýli, erekshe qajettilikteri bar jandardyń daýys berýi úshin barlyq múmkindikter jasalǵanyn aitty.
Spiker olarǵa qala ortalyǵyndaǵy sailaý ýchaskeleriniń birinde anasymen birge daýys berý kabinasyna kirýge ruqsat etilmei, sol úshin jylap qalǵan kishkentai balany jubatýǵa týra kelgen qyzyqty jaitpen bólisti.
– Osy oqiǵany tolyǵyraq aitatyn bolsam, anasy daýys berý úshin kabinaǵa kirip ketkende, kishkentai balasy syrtynda qalyp qoiyp. Jylap jiberdi. Biz shyn máninde balanyń qylyǵyna súisindik, anasynan qalyp qoiǵan balany jubatyp, kóńilin aýladyq, – dedi ol.
Sarapshynyń aitýynsha, daýys berý barysy ashyq ári shynaiy ótti. Olar sondai-aq, keibir sailaý ýchaskeleriniń Naýryz merekesin merekeleýge daiyndalǵanyn atap ótti, mundai jaǵdailar da baqylaýshylar nazaryn aýdarmai qoimaǵan.
Brifing sońyna taman delegatsiia ókilderi almatylyqtardy kele jatqan Naýryz merekesimen quttyqtap, Qazaqstannyń órkendei berýin tiledi.
