ساراپشىلار الماتى قالاسىنىڭ سايلاۋ ۋچاسكەلەرٸندە باقىلاۋ جٷرگٸزدٸ. تٷركٸ ەلدەرٸنٸڭ ٶكٸلدەرٸ الماتىدا سايلاۋ بارىسى جوعارى دەڭگەيدە, تىنىش, بٸرقالىپتى ٶتكەنٸن اتاپ ٶتتٸ.
– بٸز الماتىدا بولدىق, ٸس-ساپارلار جاساپ, تٷرلٸ پارتييالاردىڭ ٶكٸلدەرٸمەن سٶيلەستٸك. سايلاۋ كوميسسييالارىنىڭ جۇمىسىنا ەرەكشە نازار اۋدارىلدى. وسى ۋاقىت ٸشٸندە بٸز سايلاۋ بارىسىن باقىلاي وتىرىپ, اشىقتىق پەن كەسٸبيلٸكتٸ كٶردٸك. بٸز ەشقانداي پروبلەما تاپپادىق, – دەدٸ تٷركييا ۇلى ۇلتتىق جينالىسى باس اسسامبلەياسىنىڭ دەپۋتاتى يبراحيم ايدەمير.
تٷركييالىق دەلەگاتسييا سايلاۋ ۋچاسكەسٸنە كەلۋ بارىسىن دا قاداعالادى, جەنە ولار ازاماتتاردىڭ بەلسەندٸلٸگٸن بايقاعان. سونىمەن بٸرگە, ولار ەگدە جاستاعى ادامدار مەن مٷمكٸندٸكتەرٸ شەكتەۋلٸ, ەرەكشە قاجەتتٸلٸكتەرٸ بار جانداردىڭ داۋىس بەرۋٸ ٷشٸن بارلىق مٷمكٸندٸكتەر جاسالعانىن ايتتى.
سپيكەر ولارعا قالا ورتالىعىنداعى سايلاۋ ۋچاسكەلەرٸنٸڭ بٸرٸندە اناسىمەن بٸرگە داۋىس بەرۋ كابيناسىنا كٸرۋگە رۇقسات ەتٸلمەي, سول ٷشٸن جىلاپ قالعان كٸشكەنتاي بالانى جۇباتۋعا تۋرا كەلگەن قىزىقتى جايتپەن بٶلٸستٸ.
– وسى وقيعانى تولىعىراق ايتاتىن بولسام, اناسى داۋىس بەرۋ ٷشٸن كابيناعا كٸرٸپ كەتكەندە, كٸشكەنتاي بالاسى سىرتىندا قالىپ قويىپ. جىلاپ جٸبەردٸ. بٸز شىن مەنٸندە بالانىڭ قىلىعىنا سٷيسٸندٸك, اناسىنان قالىپ قويعان بالانى جۇباتىپ, كٶڭٸلٸن اۋلادىق, – دەدٸ ول.
ساراپشىنىڭ ايتۋىنشا, داۋىس بەرۋ بارىسى اشىق ەرٸ شىنايى ٶتتٸ. ولار سونداي-اق, كەيبٸر سايلاۋ ۋچاسكەلەرٸنٸڭ ناۋرىز مەرەكەسٸن مەرەكەلەۋگە دايىندالعانىن اتاپ ٶتتٸ, مۇنداي جاعدايلار دا باقىلاۋشىلار نازارىن اۋدارماي قويماعان.
بريفينگ سوڭىنا تامان دەلەگاتسييا ٶكٸلدەرٸ الماتىلىقتاردى كەلە جاتقان ناۋرىز مەرەكەسٸمەن قۇتتىقتاپ, قازاقستاننىڭ ٶركەندەي بەرۋٸن تٸلەدٸ.
