Jelide «Qaztemirtrans» AQ-nyń Almaty fılıalynyń basshysy iri kólemde para alý kezinde ustaldy degen aqparat tarady, dep habarlaıdy Dalanews.kz.
«QazTemirTrans» AQ qazirgi ýaqytta quzyretti quqyq qorǵaý organdarynyń tergeý is-sharalaryn júrgizip jatqanyn rastady. Kompanıa ýákiletti organdarǵa jan-jaqty járdem kórsetedi jáne júrgizilip jatqan tergeý sheńberinde barlyq qajetti aqparat pen qujattardy usynady.
Sonymen qatar, qolda bar derekterge qaraǵanda, fılıal obektilerin kúzetý boıynsha memlekettik satyp alýlarda utyp alýǵa járdemdesý úshin iri zańsyz aqshalaı syıaqy alý týraly málimetter kúmán týǵyzady, óıtkeni qazirgi ýaqytta «QazTemirTrans» AQ men kúzet uıymdary arasynda joǵaryda kórsetilgen qyzmetterdi kórsetýge sharttar jasasý boıynsha barlyq rásimder aıaqtaldy (anyqtama úshin: «QazTemirTrans» AQ-nyń jalpy búdjeti kúzet qyzmetteri shamamen 200 mln. teńgeni quraıdy, Almaty fılıaly boıynsha óndiristik bazalardy kúzetýge 9 mln. teńgeden astam qarajat bólindi, bul osy baǵyttaǵy qoldap-qorǵaýshylyq para somasy týraly taratylatyn aqparattan birneshe ese az). Ózge mán-jaılar tergeýmen anyqtalatyn bolady.
"QazTemirTrans" AQ sybaılas jemqorlyqtyń kez kelgen kórinisterine zańdylyq, ashyqtyq jáne nóldik tózimdilik qaǵıdattaryn ustanady. Zańnamany buzý faktileri rastalǵan jaǵdaıda zańda kózdelgen barlyq sharalar qabyldanatyn bolady", - delingen habarlamada.
Kompanıa istiń barlyq mán-jaılaryn obektıvti jáne jan-jaqty tergeýge múddeli jáne zańnamada belgilengen tártippen shyndyq anyqtalatynyna senetinin jetkizdi.
