جەلىدە «قازتەمىرترانس» اق-نىڭ الماتى فيليالىنىڭ باسشىسى ءىرى كولەمدە پارا الۋ كەزىندە ۇستالدى دەگەن اقپارات تارادى، دەپ حابارلايدى Dalanews.kz.
«قازتەمىرترانس» اق قازىرگى ۋاقىتتا قۇزىرەتتى قۇقىق قورعاۋ ورگاندارىنىڭ تەرگەۋ ءىس-شارالارىن جۇرگىزىپ جاتقانىن راستادى. كومپانيا ۋاكىلەتتى ورگاندارعا جان-جاقتى جاردەم كورسەتەدى جانە جۇرگىزىلىپ جاتقان تەرگەۋ شەڭبەرىندە بارلىق قاجەتتى اقپارات پەن قۇجاتتاردى ۇسىنادى.
سونىمەن قاتار، قولدا بار دەرەكتەرگە قاراعاندا، فيليال وبەكتىلەرىن كۇزەتۋ بويىنشا مەملەكەتتىك ساتىپ الۋلاردا ۇتىپ الۋعا جاردەمدەسۋ ءۇشىن ءىرى زاڭسىز اقشالاي سىياقى الۋ تۋرالى مالىمەتتەر كۇمان تۋعىزادى، ويتكەنى قازىرگى ۋاقىتتا «قازتەمىرترانس» اق مەن كۇزەت ۇيىمدارى اراسىندا جوعارىدا كورسەتىلگەن قىزمەتتەردى كورسەتۋگە شارتتار جاساسۋ بويىنشا بارلىق راسىمدەر اياقتالدى (انىقتاما ءۇشىن: «قازتەمىرترانس» اق-نىڭ جالپى بيۋدجەتى كۇزەت قىزمەتتەرى شامامەن 200 ملن. تەڭگەنى قۇرايدى، الماتى فيليالى بويىنشا وندىرىستىك بازالاردى كۇزەتۋگە 9 ملن. تەڭگەدەن استام قاراجات ءبولىندى، بۇل وسى باعىتتاعى قولداپ-قورعاۋشىلىق پارا سوماسى تۋرالى تاراتىلاتىن اقپاراتتان بىرنەشە ەسە از). وزگە ءمان-جايلار تەرگەۋمەن انىقتالاتىن بولادى.
"قازتەمىرترانس" اق سىبايلاس جەمقورلىقتىڭ كەز كەلگەن كورىنىستەرىنە زاڭدىلىق، اشىقتىق جانە نولدىك توزىمدىلىك قاعيداتتارىن ۇستانادى. زاڭنامانى بۇزۋ فاكتىلەرى راستالعان جاعدايدا زاڭدا كوزدەلگەن بارلىق شارالار قابىلداناتىن بولادى"، - دەلىنگەن حابارلامادا.
كومپانيا ءىستىڭ بارلىق ءمان-جايلارىن وبەكتيۆتى جانە جان-جاقتى تەرگەۋگە مۇددەلى جانە زاڭنامادا بەلگىلەنگەن تارتىپپەن شىندىق انىقتالاتىنىنا سەنەتىنىن جەتكىزدى.
