Almaty kitaphanalaryna Brail displeileri ornatyldy, olar mátindi taktildi formatta kórsetedi, Brail qarpimen basyp shyǵaratyn printerler, mátinderdi úlkeitý jáne olardyń kontrastyn ózgertýge arnalǵan qurylǵylar, mátindi oqyp, ony dybystyq formatta shyǵarýǵa jáne aýdioǵa ainaldyrýǵa múmkindik beretin skanerler, aýdiokitaptardy jaily tyńdaý úshin joǵary sapaly dybystyq qulaqqaptar, sondai-aq beiimdelgen baǵdarlamalyq qamtamasyz etýmen jabdyqtalǵan kompiýterler qoljetimdi.
Bul jumystar kózi nashar kóretin jáne zaǵip jandar úshin kitaptar men basqa da bilim berý materialdaryna inkliýzivti qoljetimdilikti qamtamasyz etý maqsatynda júrgizildi.
Jobanyń artyqshylyǵy, arnaiy jumys stantsiialarynda kózi nashar kóretin azamattar ózderi qyzmet etedi. Bul kelýshilerge olardyń qajettiligin jaqsy túsinetin mamandardan bilikti kómek alýǵa múmkindik beredi. Mamandar oqyrmandarǵa jabdyqty qoldanýdy úirenýge, qajetti aqparatty tabýǵa kómektesýge, oqý men ózin-ózi damytýǵa arnalǵan resýrstardy usynýǵa, keńes berýge jáne qurylǵylardy baptaýǵa qoldaý kórsetýge daiyn.
«Bizdiń basty maqsatymyz – barlyq azamattyń bilimge qol jetkizýin qamtamasyz etý. Biz kitaphanalardy árkim oqyp, damýǵa múmkindik alatyn inkliýzivti keńistikke ainaldyrýǵa tyrysamyz. Qala ákimi Almatyny ádiletti jáne ár turǵynǵa qamqorlyqpen qaraityn úlgi qala etý mindetin qoiyp otyr. Biz sonyń ishinde mádeniet salasynda, osy maqsatqa qol jetkizetin bastamalardy belsendi túrde engizip jatyrmyz. Jalpy, ár kitaphana qoǵam ómiriniń ortalyǵyna, damý, shyǵarmashylyq jáne ózara árekettesý keńistigine ainalýda, munda oqyrmandar resýrsty, qoldaýdy jáne shabytty taba alady», – dedi Almaty qalasy mádeniet basqarmasynyń basshysy Ǵani Mailybaev.
Arnaiy jumys stantsiialary ornatylǵan kitaphanalar: A.P. Chehov atyndaǵy Ortalyq qalalyq kitaphana (Gogol kóshesi, 109), №14 kópshilik kitaphana-filialy (Rimskii-Korsakov kóshesi, 3), №4 kópshilik kitaphana-filialy (Abai dańǵyly, 141), ALATAU CREATIVE HUB (Nurkent shaǵyn aýdany, 5/11), №45 kópshilik kitaphana (Mamyr-7 shaǵyn aýdany, 8 a), Jambyl atyndaǵy qalalyq jasóspirimder kitaphanasy (Nazarbaev kóshesi, 43), Qazaq jazýshylary kitaphanasy (Altynsarin kóshesi, 37).
