Almaty qalasy Sanıtarlyq-epıdemıologıalyq baqylaý departamentiniń basshysy, qalanyń bas memlekettik sanıtarlyq dárigeri Jandarbek Bekshın qazirgi kezde qalanyń ekpe pýnktterinde koronavırýstyń mýtasıalanǵan shtammdaryna qarsy vaksınalardyń jetkilikti sany bar ekenin habarlady.
– Biz koronavırýs dertiniń órshýine jol bermeý úshin qoldan kelgenniń bárin jasaımyz. Qala ákimdigi, medısınalyq qaýymdastyq, sanıtarlyq qyzmetter jaǵdaıdy turaqtandyrý úshin barlyǵyn jasaýda. Qaýiptiń aldyn alý úshin qala turǵyndaryna vaksına qajet. Bul – vırýstan qorǵanýdyń jáne oǵan qarsy turýdyń jalǵyz joly, – dedi J. Bekshın.
Endi jańa qaýlyǵa baılanysty barlyq menshik nysanyndaǵy kásiporyndar men mekemeler ujymdaryn vaksınalaý bastaldy.
J. Bekshın 15 shildeden keıin monıtorıń toptarynyń QR Bas memlekettik sanıtarlyq dárigeriniń qaýlysyna sáıkes ujym múshelerine vaksına mindetti túrde salynýy tıis mekemelerdiń barlyǵynyń tekseriletinin eskertti.
Eske salsaq, 1 aqpan men 2 shilde aralyǵynda Almatyda 487 736 adam vaksına aldy. Ótken táýlikte 15 292 adam ekpe saldyrdy. 60 jastan joǵary vaksına alǵandar sany 81 202 adamdy quraıdy.
Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 211 vaksına pýnkti jumys isteıdi. Quramynda 1 257 adam bar 304 ekpe brıgadasy jumys jasaýda.
