Almatydaǵy ekologiialyq beketterde 12 myńnan astam quqyq buzýshylyq anyqtaldy,- dep habarlaidy Dalanews.kz "Polisia.kz"-ke silteme jasap.
Almatyda qorshaǵan ortany qorǵaýǵa, qalany kórkeitýge jáne turǵyndar arasynda ekologiialyq mádenietti qalyptastyrýǵa baǵyttalǵan "Taza Qazaqstan" respýblikalyq naýqany jalǵasýda. Bul naýqannyń negizgi baǵyttarynyń biri – shahardyń perimetri boiynsha jumys isteitin tabiǵatty qorǵaý beketteriniń jumysy.
Jyl basynan beri 19 tabiǵatty qorǵaý beketinde ekologiia salasynda 12 myńnan astam quqyq buzýshylyq anyqtaldy. Barlyq derek shyǵaryndylary belgilengen normalardan asatyn avtokólikter men basqa da jyljymaly kólikterdiń jumysyna qatysty.
-Ekologiialyq qaýipsizdik – azamattarymyzdyń densaýlyǵyna jáne shahardyń taza aýasyna qosylǵan naqty úles. Tártip buzýshylar qorshaǵan ortany lastaý jaýapkershilik ekenin túsinýi kerek. Ekologiialyq beketterdiń arqasynda biz tek anyqtap qana qoimai, ziiandy saldardyń aldyn alýdamyz. Bul – politsiia men ózge de qyzmetterdiń birlesip júrgizip otyrǵan aýqymdy aldyn alý jumysynyń bir bóligi, - dedi jergilikti politsiia qyzmeti basqarmasynyń bastyǵy Serik Shýmaev.
Qalada sonymen qatar abattandyrý erejelerin saqtaý, kóshelerdi, aýlalardy jáne basqa da qoǵamdyq oryndardy lastamaý sharalary belsendi júrgizilýde. Jyl basynan beri abattandyrý erejelerin buzǵany úshin 15 myńnan astam hattama toltyryldy, al qoǵamdyq oryndardy lastaǵany úshin 6 myńnan astam hattama rásimdeldi.
Júk jáne qurylys tehnikasyn, sondai-aq artynan las iz qaldyratyn assenizator kólikterin paidalanatyn jeke jáne zańdy tulǵalarǵa erekshe nazar aýdarylýda. Baqylaý jáne jaýapkershilik sharalarymen qatar, Almatyda ekologiialyq naýqandar, senbilikter jáne halyq arasynda túsindirý jumystary belsendi júrgizilýde. "Taza Qazaqstan" naýqanynyń basty maqsaty – tek kóshelerdiń tazalyǵy ǵana emes, tabiǵatqa uqypty qaraý, azamattyq jaýapkershilik pen ekologiialyq sanany qalyptastyrý.
