Aýdandaǵy jer úilerdiń birinde sot úkiminiń oryndalýyn júzege asyrý kezinde 54 jastaǵy úi iesi baspanany bosatýdan bas tartyp, sot oryndaýshylary men politsiia inspektorlaryna oq jaýdyrǵan. Saldarynan 5 adam til tartpai ketti.
Qaiǵyly oqiǵa búgin saǵat keshki bestiń shamasynda Almaty qalasy, Alataý aýdanyna qarasty "Aqbulaq" shaǵyn aýdanynda oryn aldy.
Bes adam, onyń ishinde qyzmettik mindetterin oryndaý kezinde bolǵan eki politsiia qyzmetkeri jaraqat alyp, oqiǵa ornynda kóz jumdy.
Kúdikti kóp uzamai ustaldy. Oqiǵa ornyna jedel jetken politsiia jaǵdaidy baqylaýǵa alǵan. Qylmystyq is qozǵalyp, tergeý amaldary júrgizilýde.
Alataý aýdanynyń ákim Azamat Qaldybekov janjaldyń baspana daýynan bastalǵanyn rastady.
"Kúdikti qamaýǵa alyndy. Tergeý oryndary tolyq málimet beretin bolady. Úi iesi sot úkimine baǵynbai, baspanany bosatýdan bas tartqan. Ázirge bar aitarym osy...", – dedi ákim.
Qaza tapqan politsiia qyzmetkerleri boiynsha málimet:
- Alataý aýdandyq PB JPQB ýchaskelik inspektory, politsiia maiory Darhan Daýylbaiuly Súleev, 1982 jyly týǵan
- Alataý aýdandyq PB JPQB ýchaskelik inspektory, politsiia kapitany Nurbol Nazarbaiuly Baiǵaziev, 1988 jyly týǵan.
https://youtu.be/x35W2s1fUCw
https://dalanews.kz/news/68108-almatydagy-atys-policiia-tyng-malimett
