اۋدانداعى جەر ۇيلەردىڭ بىرىندە سوت ۇكىمىنىڭ ورىندالۋىن جۇزەگە اسىرۋ كەزىندە 54 جاستاعى ءۇي يەسى باسپانانى بوساتۋدان باس تارتىپ، سوت ورىنداۋشىلارى مەن پوليسيا ينسپەكتورلارىنا وق جاۋدىرعان. سالدارىنان 5 ادام ءتىل تارتپاي كەتتى.
قايعىلى وقيعا بۇگىن ساعات كەشكى بەستىڭ شاماسىندا الماتى قالاسى، الاتاۋ اۋدانىنا قاراستى "اقبۇلاق" شاعىن اۋدانىندا ورىن الدى.
بەس ادام، ونىڭ ىشىندە قىزمەتتىك مىندەتتەرىن ورىنداۋ كەزىندە بولعان ەكى پوليسيا قىزمەتكەرى جاراقات الىپ، وقيعا ورنىندا كوز جۇمدى.
كۇدىكتى كوپ ۇزاماي ۇستالدى. وقيعا ورنىنا جەدەل جەتكەن پوليسيا جاعدايدى باقىلاۋعا العان. قىلمىستىق ءىس قوزعالىپ، تەرگەۋ امالدارى جۇرگىزىلۋدە.
الاتاۋ اۋدانىنىڭ اكىم ازامات قالدىبەكوۆ جانجالدىڭ باسپانا داۋىنان باستالعانىن راستادى.
"كۇدىكتى قاماۋعا الىندى. تەرگەۋ ورىندارى تولىق مالىمەت بەرەتىن بولادى. ءۇي يەسى سوت ۇكىمىنە باعىنباي، باسپانانى بوساتۋدان باس تارتقان. ازىرگە بار ايتارىم وسى..."، – دەدى اكىم.
قازا تاپقان پوليسيا قىزمەتكەرلەرى بويىنشا مالىمەت:
- الاتاۋ اۋداندىق پب جپقب ۋچاسكەلىك ينسپەكتورى، پوليسيا مايورى دارحان داۋىلباي ۇلى سۇلەيەۆ، 1982 جىلى تۋعان
- الاتاۋ اۋداندىق پب جپقب ۋچاسكەلىك ينسپەكتورى، پوليسيا كاپيتانى نۇربول نازارباي ۇلى بايعازييەۆ، 1988 جىلى تۋعان.
https://youtu.be/x35W2s1fUCw
https://dalanews.kz/news/68108-almatydagy-atys-policiia-tyng-malimett
