"Darhan Súleev 2003 jyldan beri jumys istep keledi. IIM Akademiiasyn bitirgen. Qazir onyń artynda bes balasy qaldy. Kóz jumǵan ekinshi qyzmetker Nurbol Baiǵazievtiń de artynda eki balasy qaldy.
Ol 2014 jyldan beri politsiiada jumys isteidi. Ekeýi de Aqbulaq shaǵyn aýdanynda qyzmet atqarǵan. Osy aýdandaǵy turǵyndardyń yqylasyna ie bolyp júrgen azamattar. Jumystaryna eshqandai shaǵym túspegen", – dep aitty Qanat Taimerdenov.
Onyń aitýynsha, úidi bosatýǵa kelispegen er adam ańshy myltyǵymen oq jaýdyrǵan. Karabin zańdy túrde tirkelgen. Atqan adamnyń júike-psihiatriialyq dispanserde tirkelmegen.
Negizinen politseilerde tabeldi qarý bolǵan. Alaida olar qyzmet qarýyn paidalanbaǵan. Qanat Timerdenov qyzmetkerler úide áielder men balalar bolǵandyqtan, olardyń qaýipsizdigin oilaǵandyqtan qarý qoldanbaǵan bolýy múmkin degen boljam aitty.
"Quqyq qorǵaýshylardyń tabeldi qarýdy ne sebepti qoldanbaǵanyn tergeý kezinde anyqtaimyz. Qaza tapqan politsiia qyzmetkerleriniń otbasylaryna zań aiasynda kómek kórsetiledi", – dedi politsiia basshysy.
Sonymen qatar Taimerdenov kúdiktiniń buǵan deiin isti bolmaǵanyn aitty. Atys kezinde úide otbasy músheleri otyrǵan. Olardyń ishinde kámelettik jasqa tolmaǵan úsh balasy bar. Barlyǵy úide 7 adam bolǵan.
Qazirgi tańda oqiǵa boiynsha eki qylmystyq is 99-baptyń 2-bóligi ("Eki jáne odan kóp adamdy óltirý"), 380-bap ("Bilik ókiline shabýyl jasaý") qozǵaldy.
Esterińizge sala keteiik, 20 qyrkúiek kúni Almatynyń Alataý aýdanyndaǵy Aqbulaq yqsham aýdanynda bes adamnyń óltirilgeni týraly belgili bolǵan.
Resmi derekterge súiensek, sot sheshimin oryndaýshylar eki adamnyń menshik quqyǵyna qatysty daýǵa bailanysty kúdiktiniń úiine kelgen. Sot sheshimin estigen azamat úiinen qarý alyp shyǵyp, sot oryndaýshysyna, ýchaskelik politsiia inspektorlaryna jáne aýlada bolǵan basqa adamdarǵa qarýdan oq jaýdyrdy. Nátijesinde bes adam kóz jumǵan. Onyń ishinde úidiń jańa iesi men taǵy bir turǵyn bar.
21 qyrkúiekke qaraǵan túni Respýblikalyq jeke sot oryndaýshylar palatasy jappai kisi óltirý bolǵan Almatydaǵy úiden bir otbasyn shyǵarý jaǵdaiynda atqarýshylyq óndiris eki jeke tulǵanyń daýy bolyp tabylatynyn málimdegen.
