Quzyrly organdardyń habarlaýynsha, qazir Almatyda infektsiia juqtyrǵan 29 adam anyqtaldy. «Patsientterdiń barlyǵy juqpaly aýrýlar aýrýhanasynda jatyr.
Jaǵdaiy qanaǵattanarlyq, dene qyzýy joq. Ekeýiniń jaǵdaiy - ortasha. Biraq nasharlaý belgileri joq. Almatydaǵy provizorlyq emhanalarda 672 adam qaralyp jatyr, 598 adam karantinge oqshaýlanǵan. Úi karantininde 1549 adam jatyr», - dedi ákimdikten.
Almatyda 15 aýrý oshaǵy anyqtalǵan.
- Alataý aýdanynda - 2 oshaq: «Zaria Vostoka» shaǵyn aýdany, Sary-oi kóshesi, 234; «Akkent» shaǵyn aýdany, 7.
- Almaly aýdanynda - 4 oshaq: Jeltoqsan, 125; Baitursynov, 78/1; Jarokov, 16; Jarokov, 7.
- Medeý aýdanynda - 3 oshaq: Zenkov, 59; Dostyq, 162; Gogol, 75.
- Jetisý aýdanynda - 2 oshaq: Eńlikgúl, 34a; Volochaevskaia, 51.
- Túrksib aýdanynda - 4 oshaq: «Altai-1» shaǵyn aýdany, 8; «Jas Qanat» shaǵynaýdany, 86, Mailin kóshesi, 77; Spasskaia kóshesi, 63 mekenjailarynan aýrý tabyldy.
Qalalyq taýarlar men qyzmetterdiń sapasy men qaýipsizdigin baqylaý departamentiniń habarlaýynsha, barlyq aýrý oshaqtarynda epidemiiaǵa qarsy profilaktikalyq sharalar kúsheitildi. Dárigerler oshaq aimaǵynda turatyn tulǵalardyń densaýlyǵyn tekserip jatyr.
Derekkóz: QazAqparat
