Qarasai batyr kóshesi/Jumaliev kóshesi, 126/135 mekenjaida óz betinshe salynǵan qosymsha nysan sot sheshimi boiynsha súriletin boldy. Bul týraly Almaty qalasynyń qurylys baqylaý basqarmasy málimdedi,- dep habarlaidy Dalanews.kz
Turǵyndardyń ótinishi negizinde júrgizilgen jospardan tys tekserý barysynda menshik iesnińi (jeke tulǵanyń) ruqsat qujattarynyń joqtyǵyna qaramastan qosalqy jáne kire beris nysandardy salǵany anyqtaldy.
Menshik iesine qatysty ákimshilik sharalar qabyldandy jáne Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen kináli dep tanylyp, ákimshilik aiyppul arqalady. Zańsyz turǵyzylǵan qurylys májbúrlep buzý uiǵarymymen súriletin boldy.
Almaty qalalyq sotynyń 2025 jylǵy 13 qańtardaǵy qaýlysymen birinshi satydaǵy sheshim ózgerissiz qaldy.
Sot sheshimin oryndaý barysynda nysandy menshik iesiniń ózi buzdy.
